Login

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。


再整 !

放了2日大假, 原先唸住到朋友家拜年, 不過因為嫲嫲早2日過咗身, 所以都不便去, daddy都忙著辦理嫲嫲身後事, 我亦都不好意思出去玩, 睇吓有可以幫到daddy, 下個月12號出殯, 到時要向公司請2日假嘞 ! 所以這2日都係出去行吓, 暫時無嘢想買, 於是煲埋d碟之餘, 又試整第二件衫衫, 攞番之前d 布料, 終於整咗件Tee比小Bi, 今次聯得好"媽夫", 不過總算整番件新衫衫比佢啦!


DSCN2294.jpg


スポンサーサイト

1st handmake dress

噚晚開始動工整裙仔, 原來人手聯衫衫真係幾多工程, 經過左執右執後, 今日終於完成, 表面上都見得人,其實有好多穿崩位架,haaaaa......,仲比針"吉"過幾次手指頭, 真係痛屎我, 不過又幾有滿足感喎!


**特別鳴謝carly小姐贊助布料給我同埋教我整呢 !**


~~由小詩做model示範啦 ! ~~


DSCN2276.jpg


DSCN2279.jpg


年初7 - 人日

今日喺人日,祝大家生日快樂! 趁今日放假,下晝就去咗carly小姐屋企拜年, 順便帶埋小Bi同小詩一齊去. 原先唸住出去影相,不過出面落雨, 加上carly小姐未好番哂, 都喺算嘞! 原來carly小姐整咗條新裙仔比囡囡著, 不過今次全程用人手聯, 手工整得唔錯, 佢就教我整, 仲攞哂佢d 珍藏布料比我搵離做裙仔, 嘩! 嚇咗我一跳, 竟然收埋咁多布, 估計都有幾百塊, 實在花多眼亂, 最後決定搵咗一塊紅色嘅布做裙仔, carly小姐幫我剪好哂所有pattern, 唔該哂carly小姐, 就趁有幾日時間放假試吓整先!


~~趁今日人日,小Bi同小詩再同大家拜年! 今日carly小姐送咗個sugarbunnies罐仔比我, 我就攞0離裝糖糖啦!~~


DSCN2263.jpg


~~Lea終於收咗小Bi 嘅花, 雨過天晴, 預祝元宵節快樂嘞! Lea呢條裙仔就喺carly小姐人手聯, 手工唔錯, 所以我都有興趣整番條比小詩嘞!~~


DSCN2253.jpg


~~另外2位twins - CoCo, carly小姐嘅coco戴果頂bear冷帽喺佢嘅flickr friend送比佢嘅新年禮物, fit 哂個頭形呀 !~~


DSCN2255.jpg


年初五 - 發呆 !

今天返工依然平靜, 坐喺度發毛咁滯,不過好enjoy呀! 無聊地周圍傾計,至攪笑我隔離同事cherry講噚日睇公司醫生, 因為佢話喉嚨痛, 去咗163號黃伯度, 點知黃伯放假, 有個代診醫生, 原來仲老過黃伯不突止, 仲有d老人痴呆症狀, 佢明明揸住支雪條棍, 又唔將支雪條棍放入佢口度噤低條俐睇, 仲猛咁話睇唔到喉嚨, 後來先記番起未用支雪條棍, cherry話真比佢激屎! d藥食咗都唔喺好掂, 我叫佢睇另一個醫生好d 嘞, 都唔知有冇開錯藥tim呀..*0*.. 今日阿姐大部份時間喺房度唔知做, supervisor無啦啦叫我哋做appraisal, 可能趁呢幾日無咁忙就早d做, 咁都好, 反正下星期我放假, haha返埋聼日終於到我放啦!


年初四嘅樣 !

年初四喺樣? 咪就喺假又放完, 錢又洗哂, 工又要返, 個樣簡直好似遊雲咁囉!今日返工有d同事好識做, 自動派利是,不過最慘阿哥, 成班I T 部門一行十幾件人,好似吸血鬼咁成班問佢攞利是, 平時叫I Td 人落離做嘢又唔多睬你, 一到新年有d成年都唔見蒲頭嘅果d人又走哂出離喎, 嘩! d面皮厚到呀, 真市儈! 而我哋嘅衛主任終於放完個半月大假返工, 又冇肥瘦喎, 阿姐今日出奇地超靚心情, 對住我哋笑笑口, 所以我話過年返工喺無錯嘅, 話哂阿姐塊面極有限啦! 今日總算無驚無險又放工, 又去拜年,以後咁嘅日子就好囉.........


~~今日嘅收獲嘞,haaaaa.......~~


DSCN2251.jpg


年初三 - 赤口拜年

今日年初三赤口, 終於可以瞓晏少少, 下晝坐巴士入海怡半島同大哥大嫂拜年, 其實我去大哥大嫂屋企都有四五次, 不過次次搭巴士去都唔知邊個站落車, 好在daddy媽咪喺度, 唔通我d方向感真喺咁差???之後夜晚一齊出街吃飯, 返來睇埋隻"花樣少年少女",原先想買埋下半集, 不過原來未出完, 仲等我挨夜睇哂上半集tim, 真激氣嘞! 聼日年初四要返工, 唔可以咁夜瞓嘞, 費事新年流流比阿姐見我冇精神同我開年就唔喺咁好啦 !


年初二- 拜神

噚日年初一瞓咗幾粒鐘就去飲茶,  媽咪去攞位, 竟然有大把位, 坐低無耐警鐘響起以為火燭, 我職業病發作叫佢哋走, 好彩係火警演習啫, 唔係ma, 年初一先離演習! 之後去老人院同婆婆拜年後就返歸煲埋d 碟, 可能無點瞓, 睇睇都瞓著咗嘞...... 今日晨早起身去黃大仙廟拜神, 由細到大都係年初二去, 媽咪拜開神所以我都會陪佢去, 得個安心囉 ! 不過今日簡直驚險重重, 唔知係咪自己高咗, 差d 比人哋d 香燭燒著d 頭髮, 最攞命係好多自由痕, 唔理人揸住d香燭周圍"隊" 又撞人唔講對唔住, 幾辛苦先拜完神 ! 再去灣仔肯得雞食嘢, 上去發現全部都係"賓賓" 呀!!! 點解全部都係自由痕同賓賓嘅世界gae??? 都係快d 返歸嘞!


年初一拜早年 !

今日喺年初一, 同大家拜早年先! 祝大家豬運亨通, 豬事順景, 豬籠入水, 當然最緊要喺身體健康, 財源廣進, 我就快D搵個件, 我阿姐唔好咁情緒化, 咁就心想事成啦 !


DSCN2233.jpg


小情人禮物 !

話說情人節當日, 小Bi 相約咗carly小姐囡囡Lea出來約會, 但因一個美麗嘅誤會而失約, 令到Lea當日孤伶伶過情人節, 於是襯今日我哋成班fd同小南farewell之際, 唸住Lea會出來, 於是小Bi帶定禮物給她, 奈何Lea沒有出來, 唯有下次出來送比佢啦!


~~小Bi 買咗束花同閃閃心心汽球比Lea, 希望Lea唔好嬲啦!~~


DSCN2228.jpg


~~另一份係新嘅strewbarry食玩系列, 小Bi 話Lea一定鍾意啫!~~


DSCN2220.jpg


好多豬呀 ..*0*..

今日放工好快執嘢閃人, 因為今個星期有個fd生日, 差點忘記咗, 即刻閃去cwb買生日禮物, 之後路經time square, 發現成個豬埸嘅豬搬哂出來, 起碼有30幾隻, haha,當然講笑啦,其實喺新一年豬年嘅佈置, 有好多隻唔同顏色嘅豬, 好鬼得意, 我忍唔住攞個手機影低d相相, 跟住成班自由痕迫埋離爭住影d豬, 我見勢色不妥都係快d閃人lu !


Pig(04).jpg


Pig(06).jpg



Pig(05).jpg


Pig.jpg


團年飯

噚晚一家人出咗去酒樓食團年飯, 真係好多人, 我哋訂咗6:30枱, 我最遲一個到, 見到有張12人枱, 明明得7個人架, 原來媽咪訂咗一圍, 佢話有個賀年套餐要訂成圍先有優惠價, 我就問咁點食得哂呀? haha, 媽咪竟然話打包留番我同二哥今日食, 佢同daddy就去街街, 吓, 咁肯定早午晚3餐都要食隔夜餸囉? 呢個套餐原來有飽魚食, 嘩! 都冇幾可有得食, 我就食咗3隻, 全部清哂, 如果食唔哂今朝咪可以飽魚"浪"口,hoooo........ 噚日食咗團年飯, 咁下星期就可以行花市嘞!



~~美味嘅飽魚啊啊啊.............~~


DSCN2209.jpg


今日大掃除, 將間房反轉咁滯, 攰屎我嘞! 又將最近買比小bi同小詩既新衫修改吓, 到時新年有新衫去拜年啦!


情人節

就快一年一度情人節, 唔知大家點同妳某人呀, 妳件佬呀, honey呀, 老公仔慶祝呢? 就算未搵到理想嘅對象唔緊要, 最重要自己都過得開心就得嘞! 今年我就特別d 約咗契哥同2個fd 一齊慶祝, 契哥成日話自己搵唔到拍得長久d嘅女仔, 希望今年搵番個, 而我2個女仔fd 好攪笑話結咗婚邊會有情人節慶祝呀? 與其留屋企,不如出來成班玩. 至於我同"佢"嘅關係.......都係做番永遠嘅知己, 其實有好多嘢返唔到轉頭, 所以我唸起古天樂同劉若英喺電影"生日快樂"中,永遠保持朋友嘅關係就最好, 好過分手後做唔成朋友ma! 不過我個好朋友個老公就好識做介紹d男仔fd比我識, 希望我可以忘記以前, hehe我當然唔會辜負佢一番心意啦! 


去留 !

最近知道公司決定係年中會搬去kln bay, 真喺好唔想, 加上公司不斷尋求進步, 要員工考d試, 好多無形嘅壓力. 其實我都唸緊去留問題, 最近都有留意吓招聘雜誌, 不過打開睇時, 都唔知做好, 睇來睇去都係CS, 冇辦法啦, 做咗呢行咁耐, 有時都想試吓轉CS以外嘅工作, 以前成日講想喺愛護動物協會做, 因為可以對d貓貓狗狗好開心,可惜當時無讀理科, 好難喺呢行發展, 都喺發吓夢算, 人大咗就要現實d, 唯有繼續搵到啱為止啦!


勁減呀 !

臨近新年真係都減價, 哥哥話換床換櫃,實行大執位, 星期日成家人去咗睇床上用品,傢俬, 我就睇番之前carly小姐買果set "Repee"貓貓被枕套裝, 今次終於唔洗買哂full set, 淨買一對枕袋, 因為我鍾意佢有條尾, 做緊promote$161蚊一對, 價錢都OK啦 ! 之後去探婆婆, 路經DVD店又有特價, 入去又掃咗3套台韓碟, 其中果套"花樣少男少女", 無線收費台喺3月中播放, 我就買咗上集, 下集相信好快會出碟啦, 買咗咁多碟唸住新年無做咪可以一次過煲哂囉 !


DSCN2174.jpg


DSCN2130.jpg


Welcome小南 !

星期四我哋出來meeting, 歡迎小南喺日本返來過新年, 去咗旺角grand tower嘅Porka餐廳, 我,carly, carman, 小玎,小南,艾莉,annie,莉莉人,糖糖同阿ming, 原先班長都來, 可惜佢最近腰腳痛, 最後都出唔到來, 希望班長休養好先啦! 我同carly最先到, 不過已經好肚餓, 之後艾莉來到後就睇定餐牌叫住d, 最後糖糖最遲來到後,我哋再叫多一round, 前前後後叫咗4個pizza加其他食物, 真係好似好大食咁, 可能冬天特別肚餓, 差d要食埋糖水tim呀!


今次小南返來補送份生日禮物比佢, 小南又有手信比我哋喎, 我收到喺一個結他比小Bi 同埋一本精品catalogue, 因為封面喺sugarbunnies, 小南知我哋鍾意, 所以攞咗幾本返離嘞 !


~~當日大合照, 可惜影影吓相機無電, 所以影得幾張, 前排左邊第二個就喺糖糖新囡囡lina, 原來佢個頭仔細d 喎 ! 當日天氣凍凍, 好多囝囝囡囡都戴上帽帽, "mac噹噹"d生肖帽帽又幾fit佢哋戴喎!~~


DSCN2179.jpg


~~小Bi 收到小南送嘅結他, 即時扮哂NANA嘅boyfd 阿連, 好型喏hoooo.....~~


DSCN2194.jpg


~~另外糖糖做咗熟手車衣女工, 車咗好多衫衫比我哋一班囝囡, 小詩著緊呢件就喺佢嘅傑作, 多謝糖糖! 噚日買多2隻狗狗比佢哋, 小詩陪佢捉魚魚嘞 !~~


DSCN2182.jpg


講"POINT "!!!


早排有個fd 同我講想睇瑞文喺3月尾開嘅"萬世歌王"舞台劇, 我都想睇, 唸番之前睇果套"春田花花同學會"入面佢喺開會果幕講point 時笑爆嘴, 開頭9唔搭8, 後來聼聼吓又幾到point 喎, 如果阿姐好似佢咁有point得離又咁攪嘢你話幾好呢!