Login

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。


辦年貨

今日出咗糧, 突然有種想悉放自己嘅感覺, carly小姐走咗去聼健康講座, 於是叫隔離部門個fd 一齊走去大出血! 唔知點解而家放工後好想去買嘢平衡番平時返工嘅壓力, 吓???咁多多錢都唔夠舒緩啦, 不過我算係適可而止嘅人, 買一排我就會收手嘞!


今日好開心掃咗2 件褸, 唔係因為買到而開心, 係因為換季大減價, 差不多平成50% off, 抵呀!!! 其實好多人心態就係只要有著數就得, 我咪其中一個囉! 唸真d 都買咗成千蚊, 仲未買到boot 呀, 而家開始換季, 都係放棄啦! 之後攞埋d 信用卡赠品, 雜誌赠品呀, 之後返到屋企見到二哥買咗本"ELLE"女性雜誌, 死啦!!! 阿哥呢排好鬼貪靚, 成日買呢d雜誌睇, 不過有赠品送又唔錯, 咁都好, 等我慳番唔洗買都有得睇囉!


~~呢d全部都係赠品, 有"LANEIGE"美白精華液, ELLE雜誌送嘅"LOCCITANE" rose handcream, 同埋"ISSEY MIYAKE"春日水份保濕系列嘅body lotion, ISSEY MIYAKE嘅香水不嬲都係我鍾意嘅味道,  試過好用嘅就買番支保濕噴霧, 噴係身上個人都醒d 呀!~~


DSCN2168.jpg


スポンサーサイト

上課

今日daddy 媽咪夜晚去咗街街無飯食, 放咗工後就出街食飯, 行開街比我見到之前sogo新出果套學生餐食玩, 其實我最鍾意反而係課室枱橩呢set, 今日買咗反來啦 !


~~呢set食玩入面有埋件廚師衫衫, 我比小Bi當睡袍著,又幾 fit 身喎 !~~


DSCN2163.jpg


流星花園 !

噚日去街街時買多少少嘢佈置小花園, 半路中途見到"八兩金", 仲懶型咁款著件mark哥褸, 依然係白衫白西褲, 掛住條好粗嘅金錬啦, 至攞命見到佢個仔同佢個look一樣, 真係慘嘞!今日完成咗個小花園, 去相啦 !


DSCN2158.jpg


~~小詩幫小狗狗的新屋油油~~


DSCN2151.jpg


~~小Bi 同小詩好開心同小狗狗反嘞 !~~


DSCN2156.jpg


Last Day !

噚日喺同事tony仔最後一日返工, 臨走前我哋一班同事和他影相留念, 我哋都有d 唔捨得, 因為佢好攪笑, 比咗好多歡樂我哋一班同事, 而最唔捨得佢走反而喺我哋阿姐, 仲叫佢得返離做part time, 唔.....如果第時我走嘅話唔知會唔會唔捨得呢? 不過都係唔會嘞, 話哂異性相吸ma, haaaaa.........


~~tracy, cherry, 我同fanny, 前面就係姣姣哋嘅 tony仔嘞 !~~


RSCN2128.jpg


~~難得帶咗相機返公司, 同其他同事影之餘, 叫埋carly小姐影番張合照, 佢話見我成身打哂格仔咁款, 緊係啦, 我喺4仔ma(Lati幼兒班嘅4號仔)hehe... !~~


DSCN2127.jpg


~~我同tony仔合照,仲有1位小成員~~


...READ MORE

farewell

今日lunch同同事Tony仔farewell, 約埋幾個相熟嘅同事一齊去附近嘅杭州酒家食上海菜, 有沙鍋雲吞雞, 餃子, 鍋貼, 蔥爆牛肉, 樣樣都好好味, 不過最鍾意反而係饅頭卷, 我食咗起碼3舊, 價錢又唔貴喎! Tony仔走埋, 而家我哋部門d人買少見少, 永遠都請唔夠人, d舊人又走咗好多, 真係開始對呢份工有厭倦感覺, 呢排都有留意吓有工啱做, 有機會都想另謀出路啦!


煲碟狂 !

噚晚睇到2點幾, 追埋隻台劇"惡作劇之吻", 平時都無時間睇, 都係趁平時放工食完飯後先開始追嘞! 呢套劇情就一般啦, 不過鄭元暢都算靚仔, 因為平時我話靚仔果d,我阿哥實話醜樣,今次佢竟然話靚仔喎!  而家要追套"惡魔在身邊", 我鍾意睇賀軍翔, 楊丞琳都ok 啦, 同事仲借多2套碟比我, 肯定有排追, 我追開就唔停得, 睇離呢排都係寫週記多過寫日記lu.......


前2日買咗d 材料佈置小花園, 等放假先去整, 原來佈置一間屋仔都花好多時間, 不過我都想小Bi 同小詩有個舒適嘅屋企架 !


Dream House !

早幾日忙住整好個地方比小Bi 同小詩住, 今日總算完成好個睡房, 遲些買些材料佈置埋個飯廳同個小花園, 咁就完成我嘅理想5星級的家啦 !


~~小Bi 小詩 :  呢個就喺我哋嘅新睡房嘞 !~~


DSCN2099.jpg


~~小詩 : 哥哥唔好成日掛住瞓覺, 快d 起身溫習 !~~


DSCN2107.jpg


小寵物 !

今日放工行去玩具街買嘢, 順路行入鋪頭睇食玩, 其實戒咗一排無睇, 因為屋企太多都要唸位去擺, 不過今日忍唔住又買咗盒, 原先想睇多幾盒, 但係入去第一間鋪頭買時, 果個肥婆老闆娘好鬼惡死, 猛咁望住話唔好整爛d盒, 咁就是但搵咗盒, 不過我最鍾意都係有著33果2隻狗仔, 好得意架, 下次去第二間買, 最唔鍾意d 人"啤"住哂, 點買嘢呢 !


~~今日抽咗呢款狗屋, 最鍾意隻狗仔係毛毛質地離架 !~~


DSCN2088.jpg


~~買咗隻狗仔比小Bi 做寵物, 開心度要錫番啖先 !~~


DSCN2086.jpg


小病

今天請咗病假, 都係一般嘅感冒引致胃痛, 休息咗大半日好好多, 反正喺屋企無聊, 煲埋d碟, 跟住執好個位比小Bi同小詩住, 我唸大概新年前佢哋就有新地方嘞, 暫時比佢哋坐住上星期新買嘅搖搖橩仔先啦 !


~~小詩 : 以後唔洗同哥哥爭橩仔坐啦 !~~


DSCN2076.jpg


~~小Bi : 搖搖吓好好反呀!~~


DSCN2078.jpg


導遊 !

噚日小玎下晝出來灣仔, 約咗carly小姐食lunch加shopping, 放工後carly小姐返公司join埋我一齊, 我哋去咗一間平時我食開既上樓cafe, 因為比較舒服同埋方便影相, 等咗一陣小玎就來到, 小玎好醒目呀,自己識搵上門. 叫完嘢食喺度影一陣相相, 差不多3點幾我哋做導遊帶小玎shopping, 之後小玎話再落cwb利園買嘢, 行落去途中有間賣中日韓碟鋪頭, 原來我哋3 個都愛煲碟, 最後carly小姐買咗幾套, 我之前買咗d未睇哂所以無買嘞, 我哋話第時交換睇咪得囉 ! 再去埋吉豬島十蚊店掃貨, 小玎話要幫囡囡佈置新居, 要買塊草地, 我哋仲講笑話咁近跑馬地洗買呢, 去馬場起塊草地仲正啦,haaaa......我都買咗張長椅比小Bi同小詩, 以後唔洗爭橩仔坐lu.......... 可能噚日朝早要返工, 行咗幾粒鍾都攰嘞, 差不多6點幾就同小玎講再見, 我同carly小姐就搭van走, 真係好enjoy一齊去shopping呀!


~~帶咗小Bi 出去, 佢睇見個雪糕格仔餅就流哂口水嘞.......~~


DSCN2057.jpg


~~呢間cafe嘅佈置好舒服, 天花板嘅星星燈就最鍾意 !~~


DSCN2059.jpg


~~出前一丁公仔擺設, 小Bi同carly小姐既coco都要影相相~~


DSCN2062.jpg


~~小玎帶咗kozy囡囡出來影相相, 小Bi都要同kozy姐姐影合照~~


DSCN2064.jpg


~~呢度好多嘢反,睇吓小Bi 反到攰哂個樣~~


...READ MORE

shopping

好開心又到星期五, 雖然聼日要返工, 不過都relax 吓. 平時同d同事都會去開附近間商場睇吓衫, 有d鋪頭都買到熟哂, 今日放工就同幾個同事再去掃貨, 佢哋幾乎幾日去一次, 真係好顛呀! 之前睇中件大褸, 買熟哂所以有折買咗嘞, 之後行過一間精品鋪頭, 當時都睇中件精品, 不過屋企遲d 要大執位, 暫時都冇位擺嘢, 到時執好屋先買lu, 我都希望比番小Bi同小詩一個舒適嘅地方比佢哋啦 !


~~呢間貓貓精品店係之前carly小姐買貓貓椅果一間, 我就鍾意中間長身型果隻貓貓, 好得意呢!~~


Cat.jpg


天寒地凍 !

早幾日天氣忽然降溫, 喺屋企嘅時候夏天就熱過人, 冬天仲凍過雪櫃, 所以都係早d 瞓覺, 懶咗寫日記, 不過我都係鍾意冬天多d, 起碼唔會出汗臭臭, 而家凍凍地"嬲"住張被睇電視, 再揸住杯麵食不知幾咁舒服呀, 返工就慘嘞, 阿姐唔比我哋開工時食嘢, 不過冬天特別肚餓, 有時我偷偷哋食朱古力, 唔通真係好似坐監,都管, 睬佢都傻 !


攪掂 !

今朝起身又瞓矮頸, 攪到半邊身轉唔倒, 貼咗塊膏藥先好d, 見好番d 就改番前幾日meeting時買比小Bi 嘅燈心絨褲仔, 原先我想搵件褸比小Bi 同小詩, 因為褸好難整, 不過睇啱嘅size又唔啱, 跟住我同大家講不如買番屋企自己改, 大家都好落力不斷叫我買(唔啱身都叫我買???大家變哂魔鬼呀haaaa....), 最後只係買咗1條裙加條燈心絨褲, 條燈心絨褲比小Bi 對腳長成倍, 其實我買番離都決定改咗條褲, 今日改好咗嘞, 至於條裙隻袖長要改, 但係我唸緊改短抑或中袖好呢......不過遲些改都無所謂, 因為仲有carly小姐整比小詩嘅裙仔ma !


~~小Bi有新褲仔著, 仲唔即刻約人去街街! (約邊個大家都估倒嘞 !) 呢個紅色電話好令,係carly小姐買架 !~~


DSCN2054.jpg 



~~當日小玎買嘅零食食玩, 小詩襯住哥哥出街自己攞哂離食喎 !~~


...READ MORE

2007 1st meeting

2007年1月4號第一次meeting, 謝謝班長悉心安排, 當日要同阿姐開會, 8點3先開完會,原先以為走唔到, 因為去了另一間房開會, 走時阿姐用鎖匙開公司正門(公司6點半後鎖門, 要有鎖匙先開得門)竟然開唔倒, 好在carly小姐未走, 即刻打電話比佢開門求救, 否則要同阿姐喺公司過夜嘞......


我同carly小姐去到MK差不多9點, 上到餐廳會合大家, 上到去就收到小玎派食玩禮物, 多謝小玎! 之後唸住叫意粉食, 點知冇哂, 得番cake, 我驚唔飽,就同carly落留下醫肚, 之後班長急call我哋集合, 原來有禮物抽, 好開心抽到女donald duck- diasy呀, 班長真係好有心思呀 ! 今次班長全家出動, 好有心機安排我哋d 囝囡影大合照tim ! 跟住莉莉人佢哋話去買囡囡33, 我哋又落去掃貨, 買完上番去班長同小公主都走咗, 可能夜啦. 之後我哋再傾多一陣都走嘞, 期待下次小南返來嘅meeting啦!


~~全體同人大合照~~


DSCN2024.jpg


~~當然不少得carly小姐嘅Lea同我家benny仔小Bi 情侶冷帽合照啦! 仲有私屋貓tim !~~


DSCN2027.jpg


~~糖糖2個囡囡既33係由襪仔改成, 好特別呀! ~~


...READ MORE

驚嚇 !

有一日,小詩起床時,發現咗d 恐怖嘅嘢.............


~~小詩 : 嘩!!! 哥哥,點解你隻手會變成咁gae???~~


DSCN2023.jpg


...READ MORE

迎接 2007 !!!

噚日係2006年最後1日, 噚晚都早d出去等倒數, 不過下晝出咗去cwb攞番之前訂嘅精品, 出到去已經起哂欄杆, 幾10個警察看守, 再夜咗封哂路就行唔郁lu ! 雖然迫人,不過迎接新一年大家等倒數果一刻真係好開心呢 !


~~新年禮物係 - 私房貓嘅貓爪電話繩同埋音符筆, 遲d攞埋隻毛公仔 !~~


 DSCN2011.jpg DSCN2013.jpg


DSCN2014.jpg