Login

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。


新衫 !

今日部電腦終於正常番d , 咁就post 番之前carly小姐親手做嘅裙仔, 仲有冷帽比benny仔同埋co co d 相相啦 ! 我做媽咪嘅好耐都無整衫衫或者買衫衫比佢哋2個, 仲唸住今日放工過旺角買嘢比佢哋, 點知有d鋪頭都仲未開門, 唯有遲再去睇啦, 而家有carly小姐做嘅新衫就唔洗買住lu!


今日係2006年最後2日, 預祝大家新一年開開心心, Happy New Year  !


~~coco : 冷帽加新裙, 好襯呀, 新一年第一套新衫衫, 多謝carly ee !~~


DSCN1983.jpg


IMG_5435.jpg


~~benny仔都有新冷帽,都係carly小姐親手織架, 咁快又織好一頂,所以我叫carly小姐做"織女"嘞,haaaa....~~


...READ MORE
スポンサーサイト

無聊Boxing Day !

今朝個頭痛到爆, 可能噚日飲得太多酒, 唔食panadol, 飲咗保鑛力加水後真係唔痛喎 !今日要休息吓, 行咗一陣吉豬島買嘢食, 睇吓做緊promote嘅床上用品, 不過2月先有我想買果款, 無收穫返歸嘞 ! 今日係boxing day, 當然要拆禮物啦, 噚日有禮物收, 記得應該仲有2 份禮物會收到, 好開心今年都有幾份禮物, 多謝哂送禮物比我嘅朋友呀! 見出面好好天,心情都好好, 於是攞個"相雞"係屋企周圍影吓, 我成日都做d無聊嘢, 不過又樂在其中, 鍾意做就做, 總知開心就得嘞 !


~~我渴望我嘅心情永遠好似咁晴朗嘅天氣就好嘞 !(model :靚女Co Co)~~



DSCN1960.jpg


~~我的未成年照(daddy鍾意玩影相, 所以細過影咗好多架)~~



DSCN1967.jpg DSCN1964.jpg 


~~我的成年照..........~~


...READ MORE

Yeah! My Joey

噚日買咗joey 新出cd, 佢嘅歌好聼之餘, 今次勁多新look, 正呀 !


DSCN1945.jpg DSCN1946.jpg



DSCN1949.jpg


DSCN1948.jpg


住家飯 !

今朝發咗個夢見到我阿姐同其他supervisor, 瞓到11點幾紮醒咗嘞, 加上又鼻敏感發作. 見到媽咪係度玩電腦, 佢見我起身就去煮飯, 媽咪終於肯煮飯嘞, 可能我之前買咗個新飯碗, 暗示過比佢知想食屋企既飯, 媽咪煮既飯真係好味啦!


今晚平安夜, 約咗好耐無見嘅一班fd去 雀局, 因為出面好迫, 呢d節日打麻雀或者唱K就最好嘞, 不過就算唔出街,係屋企就會租定幾隻碟慢慢睇都一樣咁enjoy架 !


~~呢個係我新買嘅sugarbunnies飯碗嘞!~~


DSCN1944.jpg


christmas gifts (二)

今日4點收工, 返屋企做節, 同卡莉小姐一齊放工唸住搭車返歸, 不過見早,行去cwb一陣感受吓聖誕氣氛, 好鬼死迫人,再夜d肯定行唔郁, 快d搭van返去! 今日終於拆卡莉小姐送嘅christmas gifts, 係我鍾意嘅私房貓同sugarbunnies, 多謝卡莉小姐, 亦都預祝大家merry X'mas啦 !


~~聖誕禮物- 私房貓手巾同埋音符鉛芯筆~~


DSCN1939.jpg


~~sugarbunnies memo pad 同埋個好令令盒仔,真係唔捨得用tim !~~


DSCN1942.jpg


DSCN1941.jpg


今日lunch後好少電話,無聊地攞個相機周圍影嘞...............


...READ MORE

Christmas gifts (一)

又到一年一度聖誕節, 噚日放假去咗cwb影相相, 順路買我想要嘅嘢, 今年好有氣氛, d人好似唔洗返工咁去哂行街! 今晚放工又走咗去cwb sogo換支caroline"sexy 212"香水版, 不過隻味就一般嘞, 跟住行過CK專櫃見到卡莉小姐話新出CK limited青檸香水, 嘩! 好死多人睇呀,我又走過去試味,點知比佢毒中咗, 買咗支,不過比我之前買果隻DKNY red apple味抵d, CK 100ml 價錢都係三百幾蚊, 有排用lu, 我當然叫個sales送d sample比我啦, 又多一份聖誕禮物比自己, 其實唸住出咗double pay當獎勵自己囉!


~~噚日係時代廣場影嘅相相 ~~


IMG_4866.jpg



IMG_4879.jpg


~~聖誕禮物~~


DSCN1920.jpg


Oh,攰死人 !

今晚我哋dept 攪個小型聖誕party,有獎抽加大食會,不過要開會到9點真想死, 我隻眼已經合埋咁滯, 阿姐都知我哋死吓死吓咁款, 無面好快講完放人, 我同卡莉小姐搭mtr返歸, 呢幾日無去睇精品, 就係等拆卡莉小姐送比我份christmas gift, 我要等22號先拆會開心d架! 今日叫隔離件肥佬print 咗張benny仔靚靚相比我, 一張阿呆就比卡莉小姐, 我放係枱頭, 望住benny仔個樣就好開心,佢係我個精神支柱離架, 突然間唸起有樣嘢想買, 聼日放假去昅吓先 !


~~早幾日benny坐係度唔知做乜究竟望呢? ~~


DSCN1896.jpg


~~~下回分解~~~


小白鷺半天遊

今日公司攪個環保半天遊, 去咗大埔白鷺湖中心, 以為入去好凍,點知今日勁好天, 又好好太陽, 我帶埋benny仔去, 而carly小姐就帶木口木面嘅lumi去, 入到去食buffet, 不過d食物麻麻地, 食咗d雞翼,腸仔同埋幾個包塞飽個肚就算 , 之後出去影相相啦 !


~~對面間屋就係白鷺湖餐廳~~


DSCN1905.jpg


~~藍天白雲, 幾多人去撐艇同埋玩水上單車 !~~


IMG_4770.jpg


~~lumi同benny仔喺聖誕樹上,今日Lumi著嘅係佢媽咪織比佢件溫暖牌,好令囡呀 !~~


IMG_4764.jpg


今日除咗benny仔同lumi外,仲有一位朋友仔都有去,佢就係.........


...READ MORE

凍僵咗 !

今朝要起身返工, 死得啦,得番15度, 平時鍾意hea係張床成10分鐘先肯落床, 今日咁糞凍, 阿媽拉我先肯落床, 返到公司已經人少, d 冷氣就更加凍, 我d鼻敏感又發作, 打咗十幾個乞痴, 坐到11點幾時,隻手已經凍僵咗, 遲d帶張棉胎返工至得嘞 ! 聼日公司攪旅行,去大埔白鷺湖, 好似果邊仲凍, 可能得10度, 肯定食風都食飽, 今晚都係早d瞓, 唔夠瞓個人仲凍呀 !


前日艾莉攪咗聖誕gathering, 我,carly, 莉莉人,annie,ming,糖糖,carmen d囝囡一同出席, 去jordan- moment cafe, 坐得幾舒服, 今次d燈光都充足, 都叫影到相相啦, 不過食方面就冇上次mongkok果邊咁好, 所以下次meeting去mongkok就好d嘞 !


當日d相相, 唔知點解無啦啦gathering變咗做籌款之夜, 大家d囝囡都落力演出, benny仔仲表演心口碎大石同頭頂千斤重高難度表演, 咁細個就咁乖出力籌款, 我做阿媽真係安慰囉, 不過就有d心痛, 咁辛苦, 等我出咗糧要買多d嘢比benny仔啦 !唔記得要多謝莉莉人既日本手信,係nana既cd盒匙扣, 多謝哂 !


DSCN1887.jpg


~~佢哋收埋d?咪係我買比大家嘅古古力囉! benny仔有d 唔開心, 可能carly小姐嘅lea無出來啦!~~


DSCN1868.jpg


~~不過見到莉莉人嘅lea, 開心番哂, 一齊分咗d古古力tim !~~


DSCN1890.jpg


~~carly小姐嘅囡囡coco同佢媽咪一樣好鍾意食古古力,睇吓佢攞咗幾多!~~


DSCN1875.jpg


~~嘩 ! 大人國與小人國, 睇吓大b囡囡幾唔開心 !~~


...READ MORE

扮靚 !

新買咗套食玩,咁啱抽到個化妝盒, coco見到緊係唔捨得放手啦 !


coco : 魔鏡魔鏡, 世界上邊個最靚女呢?


DSCN1857.jpg


抽咗2款 :


DSCN1859.jpg


DSCN1860.jpg DSCN1863.jpg


等錢洗 !

呢幅相大家咪以為係酒樓嘅酒席宴, 其實係早排係模型店見到最新嘅"喜宴"食玩, 多數都係一set賣, 不過望吓算,我就無位擺嘞 ! 呢排有其他嘢想買, 唔知公司幾時出bonus? 咁耐都冇e貓通知, 真係驚洗哂d錢錢聖誕點出去玩呢!


Food1.jpg


嫲嫲入院

早幾日嫲嫲喺老人院昏迷入咗醫院, 今朝晨早起身同daddy媽咪入去元朗探佢, 仲以為出面唔凍, 入到去原來低市區幾度, 我淨係著咗件短tee加件薄褸, 凍死人! 去到醫院, 姑娘話嫲嫲中風,導致半邊身冇反應同昏迷, 我嘗試捉佢一邊手同叫佢, 佢都有捉緊我隻手, 只不過仍然唔醒, 醫生話都係得過"等"字, 都唔知幾時醒番, 加上嫲嫲聼覺差, 睇嘢又唔清楚, 聲帶又有問題, 好難知道佢嘅反應, 其實嫲嫲九十幾歲, daddy都有哂心理準備, 搵定牧師為佢祈禱, 我當然希望嫲嫲醒番, 見多一次得一次啦!


娃電影 !

今日去個fd屋企, 攞咗隻韓劇碟睇, 呢隻碟吸引之處係講關於娃嘅劇情, 講d娃變做d真人, 其實係套恐怖片, 不過入面嘅大娃整得幾靚. 我睇咗一半後就同個fd 講要返屋企, 因為越睇越驚, 於是攞番屋企睇埋另一半, 都幾感人, 不過我一定唔會一個人睇囉,唔係實嚇死我嘞 !



放假做 d  ?

今日放假基本上冇特別嘢要做, 不過唔好"side", 早d起身睇吓有做啦! 今日行程如下 :


10:00-10:15 - 身, 漱口


10:15-11:00 - 沖番個熱水涼, 敷吓mask ,


11:00-12:30 - 做熱身運動, 食macdonald 火腿扒早餐, 睇番一星期過期報紙


12:30-14:30 -上網


14:30-15:30 - 辦理私人業務


15:30-16:00 - high tea


16:00-19:00 -  shopping  


今日買咗部份christmas gifts比d 朋友, 我自己買咗d , 滿載而歸, 好開心嘅假期!


DSCN1844.jpg          


小氣鬼 !

今日下晝我隔離件肥佬同事問我公事上嘅嘢, 佢話佢隔離果個女同事笑佢問嘅嘢,所以唔再問佢, 咁咪問我囉, 點知我答肥佬一句: " 我驚你問我都會笑你喎 !"之後肥佬哂面講: "你唔答就算啦! "跟住成個下晝唔睬我同個女同事. 究竟男人離架?咁小氣, 如果係男朋友都話鍚鍚氹氹啫, 大家一埸同事無謂攪到面左左啦, 我都同佢講玩吓啫,平時都係咁玩啦, 佢仲扮哂嘢唔揪唔睬, 咁咪算數囉, 反正我都覺得自己無錯呀!


disney公仔擺設

早排幫班長買咗disney set公仔擺設, 我就要咗一對donald duck 貪佢夠鬼馬, 另外仲有公主同王子, 原先以為唔令, 不過拆咗出離又唔錯喎!


今日Lati release "lina &pury"全部極速掃清, 有d Lati 幼兒班同學仔買咗,可能有機會中埋"laches"啦! 不過睇真d, benny仔又有d 似"laches"喎, 最似佢隻眼, 與其得唔到"laches",我忽發奇想, 不如淨買benny個頭, 再叫Lati 化tanned skin, 咁都差唔多啫,haaaaa.......(Lati睬妳都傻,簡直恨囝恨到痴咗線!!!!)


DSCN1841.jpg


扮呢 ?

以前細過成日學大人嘅嘢, 扮媽咪煮飯, 喺窗台扮daddy 揸車, 仲有以前好多女仔都話扮港姐, 不過我2個哥哥就唔會玩呢d 嘢嘞 ! 而家benny仔就好似我咁好鍾意扮大人, 今次佢扮呢 ?


~~啊 ! 原來扮茶餐廳老闆~~



DSCN1829.jpg


~~有齊早餐,午餐,下午茶餐, 正呀!~~


~~benny仔 : 我大過咗要開茶餐廳 !~~



DSCN1833.jpg


DSCN1822.jpg


無啖好食 !

原本唸住呢個星期lunch食早, 無咁迫人就慢慢歎,點知"賤man"叫食早d同事食少半粒鐘幫手聼call, 因為2個同事放假, 又有d放咗病假,鬼,呢排流感高峰期, 咁大家唯有捱吓義氣啦, 放工就可以早走半粒鐘, 最慘既以為食1日變咗食3日得半粒鐘, 我3日既lunch都係食得碗麵, 時間趕到差唔多要倒落口咁滯,天氣凍特別肚餓, 咁食法邊會飽呀, 又無得放早, 唉!算啦,我都冇怪"賤man", 因為今日實在未停過, 不過以後咁落去都唔知點算嘞 !


放工後約咗fd食飯, 之前去咗sogo行咗一陣, 好多人掃christmas禮物, 遲d我都會買禮物送比朋友, 期間見到我近期至愛既私房貓大公仔, 差不多有2呎高, 當時真係有衝動想買咗佢, 不過最後緊係放棄啦! 之後去apple商場間精品店訂咗d 精品,就當係自己既christmas禮物囉 !


~~買唔到佢唯有用手機影底做留念, 真係好可愛呀 !~~


Mash.jpg