Login

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。


又要返工 !

過咗3日假期, 聼日要返工係極度唔想, 不過現實還現實, 始終要面對, 通常唔開心除咗想唱K外,我都會攞番d DVD睇, 有時d劇情令我領悟到好多嘢, 唸完後又會重新放開懷抱, haha,又唸起下星期阿姐出trip放3日假真係太好喇 !


今日去拜山, 比我預期少人, 天氣乾爽,所以行得好舒服, 下晝去咗cwb飲茶後行去時代廣場睇電視機, 終於都買咗, 二哥用信用咭積分扣咗後仲平多五百蚊tim呀, 又有免息分期, 雖然又要洗一筆錢, 不過我鍾意咪得囉 !


スポンサーサイト

煲劇 !

噚日買唔到ocean park 既helloween夜場VIP飛, 又唔想買普通飛等排隊, 所以冇得去玩, 唯有係屋企煲番前2日買番0離既DVD劇, 不過都係買番d舊劇, d 新劇有個同事買咗,咁就可以問佢借嘞! 一煲就大鑊,完全停唔到, 差不多睇通頂, 今日瞓番夠本, 下晝起身約咗fd 出去行街街睇吓d 秋冬衫, 但係冇買到嘢, 等遲d多d 款先再買, 不過唸住買番個電視機, 就0離頂唔順個電視機啦, 我同二哥講咗一人一半夾份買, 今次唔會比佢"均"到我架hahaha.....!  聼日要拜爺爺同公公, 去完跑馬地又要去柴灣, 2 度地方都要行上山, 好在平時有做吓運動, 唔係第日肯定周身骨痛, 返工實攰死嘞 !


輕鬆的一天 !

今日慶祝出bonus,同同事去飲茶, 雖然唔係食咗好多嘢,不過下晝睡魔急call,出奇地無call,我隔離果件肥佬仲話成個鐘聼得2,3隻call, 真係少到嚇親人! 咁大家咪傾吓計, 講吓是非又放工lu!  放工後心情靚靚, 去咗玩具街睇嘢, 順便幫個fd買helloween d 道具, 之後幫卡莉小姐買套韓劇碟, 價錢真係好平呀,遲d買多幾套睇都抵呀! 跟住就買吓d食玩, 今日消費係咁多先 !


DSCN1616.jpg


出糧加 bouns !

聼日終於出糧之餘出埋另一半bouns, 最慘之前洗咗好多錢錢,唸住買禮物比聼日生日既"佢",最終都冇買度, 只係早幾日同佢食咗餐晚飯, 不過佢始終對某些事情有所保留, 暫時都唔想再唸落去嘞, 順其自然啦 ! 趁幾日假期, 又可以去花費, 最近睇到有新款食玩, 如果出咗又忍唔住買架, 死嘞, 我發現自己最近瘋狂咁買嘢, 會唔會係病態呢?  唔得, 我要靠自己意志控制吓自己d 購物慾, 我唸我d EQ應該做得到既, 不過出咗bouns係咪應該買少少嘢獎勵吓自己先呢? (比藉口自己,haaaaa......)


~~呢款食玩應該就有嘞, 最鍾意個冰箱呀 !~~


   main.jpg


美男廚櫃 !

話說有一日benny仔一個人係屋企, 媽媽出咗街後, 冇嘢食,於是叫外賣,後來比benny仔發現櫃入面有好多嘢食, 靜雞雞去攞嘞!


~~benny仔: 唔該比個晚餐A呀?吓,冇呀,咁晚餐B呀?都冇呀, 咁...........~~                                      


~~伙記: 而家係下晝,邊有晚餐叫呢?~~


~~benny仔: 係喎, 咁唔要嘞 !~~


DSCN1605.jpg


~~終於搵到嘢食嘞!~~


DSCN1598.jpg


~~嘩, 個櫃好多嘢食呀! benny仔幾百厭, 爬上張"登"仔上攞嘢食,小朋友唔好學嘞 !~~


...READ MORE

病tim !

早幾日係我個best fd生日, 成班人去唱k之餘又玩猜梅, 好攪笑既梅- 芭蕉樹, 夢羅麗莎, 鐵勾船長等等.........我地玩呢d 實劈酒, 飲咗好多, 第二朝已經feel 到喉沙, 點知星期五開始咳, 又唔記得配藥, 噚日頂唔住走去配藥, 順便行開附近睇吓有冇啱心水禮物買比"佢", 不過都係睇唔啱, 算啦, 到時問佢想要囉! 今日要休息吓, 攞番d食玩出來擺, 唸咗好耐終於擺好哂係家電櫃同埋張書枱, set埋個背景就post 得相相啦 !


失控 !

早2日上完公司果個心理班, 教我地叫做"EQ", 係如何控制情緒及自制能力, 我以前都覺得自己d "EQ"都唔差, 自己既情緒就無問題, 不過自制能力就冇以前咁好, 仲開始嚴重tim! 咪就係今日放工陪卡莉小姐去cwb攞手錬, 我都問佢唔會再買呱, 點知去到冇得攞住就大鑊嘞, 卡莉小姐一定受唔住引誘, 因為佢不嬲自制能力冇我咁好(haaaaa....), 咪買多2條錬囉....., 我開頭都忍到手, 睇啱既都唔敢叫老闆娘攞出來, 點知睇咗都差不多成粒鐘, 個老闆娘越攞越多出離,終於忍唔住買咗條錬咀, 不過真係唔錯架, 遲d去銀器鋪買番條長錬襯番, 如果再去呢間鋪買的話,恐防再度失手呀! 哎呀, 我仲要買禮物送比就離生日既"佢"tim, 不過"佢"想要果隻錶都幾難搵, 同埋未出糧冇錢錢, 可能下個星期同佢食餐飯算數嘞, 男仔應該無所謂嘅, hehe !


_MG_4086.jpg


放吓假 !

今日放假, 好似好耐都未瞓過咁晏, 所以瞓到11點幾先起身, 再沖番個涼,成個人醒哂 !  今日無嘢做, 唸住執吓自己間房, 開始換季攞番d冬季衫, 又開始糧尾, 不過晏d都出去睇吓嘢,平既都買少少啦! 之前買咗個玩具家電櫃同埋張書枱,都未攞出來擺, 已經買定哂d 擺設放係書枱上, 遲d 執好哂就可以post 相相啦 !


小南大婚之喜 !

上星期日係小南結婚大日子, 我地成班朋友仔- 卡莉小姐, peggie,艾莉, carmen,小玎一齊去沙田大會堂觀禮, 原先annie同莉莉人都來, 不過莉莉人公司臨時急call, 所以佢同annie晚上才去飲宴, 觀禮後,由班長做領隊帶我地唱K ,好在有位, 如果唔係咁長時間都唔知去邊樹嘞 ! 唔講咁多,係咁已post 番當日少少相相啦, 不過影得唔係太清, 可能借咗卡莉小姐之前部相雞, 唔係太熟去用, 但係都ok啦!


~~當日大會堂註冊處內, 小南同純也&雙方家人~~


DSCN6833.jpg


~~雙方交換介指那一刻.......小南幾緊張..*0*..


DSCN6845.jpg


~~當然唔少得咀咀那一幕啦!~~


DSCN6846.jpg


之後我地晚上去酒樓玩到顛喪既情景 


...READ MORE

新產品 !

今日放工時落大雨, 想去行街街都無哂mood, 不過計吓呢半個月洗咗好多錢錢, 前2日發咗顛一次過買咗3對鞋, 真係有d 失控tim, 唔緊要啦, 就當換季, 有d 舊鞋又可捐比人, 可以做善事都值得買嘢嘅! (實在係好藉口haaaa.....)


唸住無錢錢, 又想睇吓嘢, 行咗去玩具街睇精品, 應該唔會出事呱, 點知今日有新嘢, 我買咗2set, 開頭以為d價錢一樣,後來搵搵吓, 同一款有d價錢竟然平d, 我緊係攞係手先啦, 嘩! 轉個頭個師奶帶埋個囡不停掃貨, 好在我搶先一步啫,再去其他鋪頭原來都未出呢set 呀! 跟住返歸, 因為好眼瞓, 同埋好似好多嘢要執, 自從轉咗呢個CS dept 後,好似過住三年零八個月既日子,平時放工都攰到死咁滯,唯有係放假日子做要做既嘢啦! 聼日小南結婚大喜日子, 我都要幫benny仔執正d去飲至得!


TOM_3887.jpg 


TOM_3889.jpg


神經語言程式學

今日放工後全dept 既同事都要上堂, 我同卡莉小姐當然要上啦,其實呢個course名叫做"身心語言程式學",主要教大家平衡吓心理狀態, 控制吓情緒,如何同人溝通咁, 所以又叫"神經語言程式學",簡單來講好似心理班咁,好在個導師教得生動, 佢話自己叫"Mr Bean",因為佢姓"pin"囉,我地不停咁笑, 又玩心理測驗分析自己係型-我就係聼覺型, 成日重覆人地既說話同埋記住人地既說話, 卡莉小姐佢話係"感覺型",即係情緒化,又講得幾啱喎, 至於我地阿姐可能係"自語型",即係成日要不停咁分析d 事情, 不過阿姐之前上過呢個course, 好似比以前情緒好咗, 我唸阿姐都要上多幾堂就更好,個導師話係工作上對客人之餘,都可運用係自己屋企人或者妳既另一半, 學習如何溝通, 唔....都講得啱gae! 仲有2堂, 我都覺得幾好玩呀!


有斬獲 !

今日係中秋節, 最開心係放4點, 可能好多公司都收早, 有d客人打電話離鬼死咁好心情, 今日有個阿嬸打0離訂紙, 又問呢樣,果樣, 好似好煩咁,不過可能我都幾好心情, 好有耐性同佢講, 最後收線前個阿嬸竟然話:"哎呀,小姐妳真係咁好人事既啫!" 我當時聼到唔知講好, 因為個阿嬸好真心咁講, 而家好少有呢d客人架嘞, 不過冇即時問佢寫封讚賞信tim, 真失策!


放工後同隔離dept 個fd去咗cwb行街睇吓嘢, 跟住返番去吉豬島買嘢時,竟然見到公司個MD嚴總同佢太太, 嚇咗一跳tim, 之後上去間模型鋪, 全店新開張,所有貨品都有折, 我就買番個家電櫃, 另外見到茶餐廳食玩, 搵到個"絲襪茶壺"比卡莉小姐,之前佢話抽唔到, 咁啱唔洗抽就買咗佢啦!


噚晚同卡莉小姐,小南,糖糖,lovesick, annie同莉莉人lati聚會,仲未執相相tim,遲d先post相相啦!不過最攪笑之前阿ming買既lumi扮男仔真係令仔,不過未見個扮女仔, 我地仲講咁細個就要一人分飾幾角, 攪到人格分裂症tim呀,haaaa.........


DSCN1493.jpg


開心過後........

經過幾日假期,又要返工, 可能月頭又加上長假期後, 今日聼call 率照標, d 客好似個個趕住去"屎"咁, 講多2句就媽叉妳, 我今朝都做到有d 燥火, 個sales打電話搵交嗌, 差d同佢炒大鑊, 好在wai小姐同個sales講掂數. 之後打比個field supervisor, 佢又重提舊事話我爆粗, 或者果次嬲得滯啦..>_<..事實上我做呢類客戶服務行業,受氣後都間唔中會爆粗, 不過都係收咗線自己同自己發洩, 冇影響人地我覺得唔過份呀, 仿且一兩個字粗口唔算太粗俗呱, 希望唔好影響大家心目中對我既形象啦,hehe! 最近唔知點解, 發覺右邊耳入面好似有d水"浪吓浪吓", 聼得唔係咁清楚,聼日要睇醫生至得嘞! 另外唔該哂卡莉小姐今朝買咗個麥當勞既"火腿扒芝士漢堡"比我食, 見佢講有d 唔開心,希望快d茅事啦!


噚日doll show D相相執好咗, post番d 相相先!


~~我, 卡莉小姐,小南,艾莉同carmen係大熊本食lunch的美食( 海鮮烏冬,餃子, pizza, 野菜豆腐, 炒雜菜,海鮮炒飯, 同埋最正係薯仔炒牛柳粒呀..^3^..~~


DSCN1434.jpg


DSCN1441.jpg DSCN1442.jpg


DSCN1440.jpg


~~左起 : 卡莉小姐既Lea, Carmen既Lami, 小南既小狼, 卡莉小姐既Lumi同埋我既CoCo,最衰無帶Benny仔啦, 唔係就湊夠一set yellowline嘞..*_*..


DSCN1439.jpg


lunch後join埋小玎,peggie班長同小公主一齊進Doll Show會場內,我地都各有收獲, 不過場內無冷氣, 差d 焗暈人, 我地逼完一陣就同艾莉,carmen上月台睇戰利品, 我買咗d33比coco同benny仔, 即場比coco試著, 另外多得艾莉識得個fd先買到平野咋!後來糖糖送貨離,就係之前個書枱仔, thx 糖糖, 遲些post 相相去"B HSE"啦 ! (coco & benny 仔新33稍後再post相)


~~BJD大娃相相~~


...READ MORE

嚴家管教 !

話說benny仔開學無幾耐, 唔讀書不突止,仲成日掛住打機, 今日coco扮起真矢督促benny仔做功課嘞!


~~睇吓benny仔打機入哂神咁..*_*..~~


DSCN1433.jpg


~~coco叉哂腰咁話: 仲唔快d做埋d 勞作 !~~


DSCN1420.jpg


大個咗 !

最近benny仔同coco開始返幼兒班, 唸返起咁快又大個囝,大個囡, 連之前卡莉小姐買比佢地既梳化都唔夠坐, 遲d又要買多張嘞, 不過買咗書枱先啦, 要讀書緊係要搵返張書枱, 好在經糖糖以照旬價$95幫我買咗張, 唔該哂 !


~~由於太迫, benny仔讓咗比coco坐嘞 !~~


DSCN1391.jpg


~~benny仔一個都坐哂嘞 !~~


DSCN1392.jpg


~~coco好似佢媽咪咁,成日夜晚睇睇吓電視,係張梳化到瞓覺, 不過coco話呢張sofa好舒服呀 !~~


DSCN1388.jpg