Login

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。


試新嘢 !

今日hilda姐放假, 又係便服日, 心情輕鬆之餘忽然想帶coco去街街, 順便帶佢攞新鞋仔, 因為卡莉小姐帶咗返工, 放工後即刻試著喇 !


~~就係新訂既Lati "Pink Mary Jane"鞋仔嘞, ~~


~~coco : 媽咪話對鞋仔買比哥哥benny仔著架, 不過有新野緊係攞離試吓先啦 !..^_^..~~


DSCN1372.jpg


之後我就陪媽咪出街食dinner, 原來daddy約咗d friend去wet, 咁無辦法啦 ! 我同媽咪去咗吉豬島附近商場3樓間台灣料理食飯, 格調都幾舒服, d 野食都ok, 當然預埋coco啦 ! 食完飯例牌去果間模型鋪睇玩具, 見到張書枱仔, 不過折咗都要$120, 緊係唔買啦. 後來我睇番"糖糖"留言比我話$95一張, 可以幫我hold 起, 我要呀..^0^.. 唔......等我叫卡莉小姐幫我通知"糖糖"至得, 係度講聲唔該哂"糖糖" ! 至於果set文具食玩我想自己抽吓, 所以暫時買書枱先啦 ! 跟住去吉豬島supermarket 買野, 見到原來有d 新款既手推車係比小朋友坐, 好得意呀 !


 DSCN1385.jpg


~~今晚食飯d 相相~~


DSCN1373.jpg


~~叫咗"肉鬆海苔海鮮抄飯" 同埋 "士林三拼小食"~~


...READ MORE
スポンサーサイト

睇中咗 !

今日小南中午過了離灣仔同卡莉小姐和我食lunch, 去了間上樓餐廳, 卡莉小姐帶咗lumi去收小南送既禮物, 就係新書包, 因為我地d囝囝囡囡要返"幼兒班"lu! 之後小南lunch後又話去玩具街(即是太源街)睇玩具嘞, 我同卡莉小姐都想睇, 就放工一齊去, 原來近排出咗張書枱, 好啱我地d"Lati"既 囝囝囡囡返學讀書用囉, 不過有間賣太約$120, 另一間只賣$95咋, 緊係無貨啦, 我同卡莉小姐心思思想買, 唔.......呢排要昅住睇吓幾時返先 !


 ~~原來有枱頭燈可開關架 !~~


photo1.jpg


(此相片由Re-ment 提供)


之前收到有個friend 既e-mail, send咗呢張相比我睇, 個男仔扮相好正, 不過後面果件仲正呀, 大家睇吓啦 !


...READ MORE

好味 !

放完4日假期, 今日返工真想死, 噚日去完影相攰死人, 攪到周身骨痛, 真係有d未老先衰既感覺tim....... 今日下晝無call, 悶到發慌, 周圍撩d同事摷d 話題講吓, 又講吓是非, 終於挨到放工嘞, 不過好享往無call 既日子, 之前真係做到嘔血咁滯..*_*..放工後食番卡莉小姐整既 "蜜糖雞翼", 果然一流..^0^.., d 雞翼用微波爐"丁"完都有好多汁, d肉又幾鬆軟, 其實我都係第一次試卡莉小姐下廚煮既嘢食, 不過佢話好味就應該無問題, 因為我知卡莉小姐食嘢都有要求架, 唔....食咗2隻唔夠tim,卡莉小姐下次整多d 呀!


今晚係電腦執吓相時, 發現有張貓貓相, 呢隻貓叫"開心", 係二哥去開果間曬相鋪時整嬲佢, 佢係度發皮四唔理人, 扮瞓覺,真抵死嘞 !


DSC00179.jpg


新景點 !

今日二哥要交佢既攝影功課, 同佢去咗維園影相相, 難得去另一度影相, 緊係帶benny仔同coco啦, 攞哂大細相機去, 二哥就帶自己部私貨相機. 一去到維園, 周圍都係"賓賓"集中營, 所以搵咗好耐先搵到一d少人地方影相, 後來影影吓發生咗一d小意外, 好在有驚無險啫 ! 另外見到搭咗d 佈景係迎接中秋節來臨, 都幾令架 !


~~後面紫色花花好靚呀 !~~


DSCN1346.jpg



DSCN1347.jpg


~~coco : 嘩, 好香呀 !~~


_MG_3601.jpg


期間發生既意外係coco跌親, 整親頭仔同手仔, 於是benny仔見妹妹跌親, 佢喊住叫哥哥, 當然即刻安慰佢啦 !


~~benny仔 : yi, 妹妹妳跌親邊度呀 ? ~~


DSCN1337.jpg


~~coco : 我跌親手仔同頭呀 !~~


...READ MORE

影相相 !

今日下晝去咗髮型屋再攪吓個頭, 因為噚日電個髮太激嘞, 屋企人見到都嚇咗一跳, 今日決定都係整返直d 頭髮, 不過等d 頭髮長d再電就最好嘞! 之後帶咗benny仔同coco去影相, 其實原先唸過帶佢地去海灘影海浪, 不過實在太遙遠,唯有係屋企附近既海旁影相啦! 今次試吓部大相機, 不過影咗唔係太多個天都, 遲d先再影多d 啦!


~~呢件迷彩衫衫就係iris之前整比benny仔架 !~~


 _MG_3573.jpg


~~之後去咗附近公園, 係棵大樹下度影嘞 !~~
_MG_3575.jpg


_MG_3579.jpg


整頭髮 !

今日同聼日放假, 唸住d 頭髮好耐都未剪過,索性去攪攪佢, 其實我好懶去剪, 去親都要坐成幾粒鍾, 不過無辦法啦,唔修吓d 頭髮好唔舒服架! 原先唸住早d起身去整,點知hea吓hea吓都成4點幾先去, 去到髮型屋, 唸吓點整好, 最後決定試吓電髮, 都算快, 整咗3粒鐘倒, 電完後真係睇唔慣, 突然間唸起好似benny仔個頭咁, 我都唔知好唔好睇, 睇吓星期一返工d同事點睇就知嘞! 整完都成7點幾, 仲唸住帶coco同benny仔去影相相, 咁夜都係聼日先影lu !


亡命van!

今朝返工搭van,仲以為凌晨先有亡命van, 點知坐咗一陣都有d驚,個司機揸到擺吓擺吓, 差d撞埋架巴士度, 幾辛苦先捱到返公司呀! 可能架車搖得犀利,返到公司feel到頭痛,又勁凍冷氣, 原先今晚有fd生日party都無去嘞! 開完會又搭van, 點知呢個司機仲顛, d人都未落哂車已經想開車, 又好似"頭文字D"玩飄移喎, 唔係驚撞死,係驚嚇死咋! 落咗車先定番, 再行一陣新既模型店後就返家lu !


返到屋企完成埋昨天整既socks比benny仔同coco, 因為卡莉小姐比咗好多布我整33,不過未有時間, 唯有整d快完成既野, 雖然唔係好perfect,不過都叫做著得落啦! 今日比大家睇吓啦!


~~估吓邊個係benny仔,邊個係coco對腳?~~


_MG_3527.jpg


~~開估la~~


...READ MORE

916 dinner meeting!

等咗好耐既meeting終於攪得成, 由peggie班長安排係旺角一間上樓cafe, 我地總共15人(我,卡莉小姐, peggie,peggie朋友河馬& 雞仔, 小南,小南朋友ice& 佢朋友,sandy,艾莉,莉莉人,annie,小玎,carol, carmen)係家樂坊集合, 其間原來家樂坊隔離棟大廈發生火警, 呢次係今年我第2次見到呢d場面, 原來報紙話死咗一個人, 真係要小心火警嘞 !


上到cafe, 見到張大sofa好舒服, 同埋佈置得好靚, 之後我地迎接carmen既新囡囡-Lati "Lami" 喇! camen一開盒, 我地成班爭住影相, "Lami"未著33既全相已經比人睇哂lu , 最令係卡莉小姐幫佢訂到隻色眼珠, 同埋我地一輪驗貨後, "Lami" 既eyelash"痴"得好好, makeup都唔錯, carmen真係好彩嘞! 佢訂既新wig襯得"Lami" 好令, 可能下次都唸吓訂唔訂先! 之後我地講吓講吓d 野食離, 大部份都唔錯,d 野飲都好味呀! 不過可能燈光比較暗, 我地影相都比較困難, 但係最緊要影番張大合照留念啦 !


好開心終於見到annie真人, 佢同莉莉人唔止似樣, 連性格都差不多呀,仲有我地既benny仔又可見面, 大家攞出來,發現annie既benny仔條眼眉比較粗同深色, 所以annie既benny仔個樣子無我個benny仔咁細個架, 不過2個benny仔同樣係可愛呢 !


最後要多謝哂班長補送番比我既生日禮物, 係我鍾意既白色sugarbunnies毛公仔, 卡莉小姐都有一隻, 不過我隻個肚仔多個蛋糕logo囉, 緊係要即刻影番張相相啦! 噚晚大家玩到唔知時候, 成11點幾先走, 之後又陪小玎shopping, 去到B1果間鋪頭時已經close咗, 我地仲死唔走, 仲講笑話係門口度靜坐等佢開門tim ! 不過大家都攰嘞, 唯有等下次meeting啦!


~~大合照- 由於人數仲多,為免發生意外, 我地成班決定瞓哂係枱面影嘞 !~~


DSCN1303.jpg


~~3胞胎(左起 : 卡莉小姐既CoCo, 換咗個短wig即時變咗個靚仔啦! Annie既benny仔, 佢套33就係卡莉小姐整架, 最右係我既benny仔嘞! 3套衫衫都係卡莉小姐一手包辦整架, 仿造Lati既"Snow Prince").~~


DSCN1297.jpg


~~另外班長peggie送既sugarbunnies同埋Cafe內一些照片~~


...READ MORE

一個包?

今朝要返工, 逢sat 返工既早餐我都會食好d, 於是大家都叫咗外賣 McDonald's, 我叫咗個火腿扒芝士漢堡餐, 一直想食好耐嘞, 點知比florence食錯咗, 唔知點解, 當時我簡直傷心到想喊, 佢地成班同事見我down哂咁樣, 都不停咁安慰我, "賤man"又話比個早晨全餐我食,佢地又話馬上幫我叫多個外賣返離, 可惜要$50先送, 我話算啦, 下次再食過囉! 雖然食唔到呢個包, 但係比我發現既係失落時候有咁多人關心已經足夠嘞, 之後無事lu...........


地震呀 !

今晚同我2件化骨龍試新相機影相時,突然間feel到地下不停咁震, 仲係2次,差不多每次成幾秒鐘, 震到benny仔同coco都瞓底咗, daddy仲問點解震成咁, 後尾新聞講真係有個島3.5級地震, 可能近香港, 所以感到有餘震,嘩! 香港有地震好大鑊喎, 以後都要防範嘞 !


今晚試吓個微距鏡, 可能未太熟玩大相機, 影咗好幾次先ok, 我唸遲d出外試影會好d 啦!


~~之前買個silver wig比coco試戴, 都ok啦!~~


_MG_3235.jpg


~~影近d, 都幾清 !~~~_MG_3253.jpg


_MG_3258.jpg


改變咗 ?

最近發現hilda姐有d 改變, 曾幾何時, hilda姐顛過一排, 攪到每朝返工個心都卜卜跳, 有排仲成日發惡夢見到佢, 記得有次係講我遞辭職信比佢, 之後就紮醒咗, 見唔到佢當時個樣係點tim ! 而最近一次係講hilda姐話自己要結婚, 我地問佢幾時, 佢話下個星期啦, 仲不停問佢點識佢老公, 點知比個鬧鐘嘈醒咗嘞, 可能成日希望佢快d 結婚, 等佢有個寄託啦, 真係日有所思,夜有所夢. 不過現在既hilda姐好像知道自己比得太多壓力我地, 都識得叫我地relex, 其實d 壓力咪係佢比我地囉, 佢良心發現就好嘞 !


今日放工同卡莉小姐搭咗架亡命van返屋企, 真係食飽咗d 嘢食都嘔番哂出來呀! 當時唸仲有好多嘢未做,唔想咁就死咗. 那一刻唸起"佢", 雖然我同"佢"仍然有太多問題, 不過自己都已經盡過力, 一切就等天決定啦!


買咗喇 !

今日放工哥哥約咗我去mongkok買相機, 行咗幾間格價後, 搵咗間"雷x" 鋪頭, 淨body賣6千蚊倒, 連鏡頭加多7百蚊, 不過放棄咗原裝鏡頭, 買咗個定焦微距鏡頭, 不過都唔平, 都成機價一半有多呀, 如果look咭要收5% charge, 好在有咭可做低息分期12個月, 大約3%倒啦, 計過條數, 同哥哥一半緊係分期啦, 好嘢, 可以試新機, 以呢部canon 400D嘅功能,哥哥話呢個 價錢的確幾吸引, 包括吸引我同卡莉小姐囉, 有興趣都可唸吓架!


DSCN1291.jpg


期待已久嘅Snow Prince呀 !

今日收到卡莉小姐送比benny仔既"snow prince"套裝, 好開心呀! 呢套衫衫係我一直夢寐以求想要架,難得卡莉小姐整多套比我,真係要多............多謝哂妳喇 !當然要即刻試著啦, 影住2 張相相先 !


今晚哥哥終於良心發現, 話同我夾份一人一半錢買相機, 可能佢見我哂面啦..>_<..係Canon400d, 即係卡莉小姐果部,不過淨買body,  另外買個定焦鏡頭, 哥哥話如果影我d公仔會好d,夜晚影都唔錯架! 唔.......就今個星期去睇啦!


~~Benny仔: 著咗"snow prince",係咪成個王子呢! yi.....後面個口咁大嘅係邊個0離架?~~


      DSCN1284.jpg


~~佢咪係"大口仔"雪人囉, 襯哂妳套"snow prince"啦!~~


...READ MORE

又要我買 ?

今日入咗屯門探九十幾歲既嫲嫲, 唔係我講得衰, 嫲嫲真係又聾又盲又啞, 因為佢有青光眼,同埋年紀大真係聼唔到, 而家食得太多藥,攪到連聲帶都有事, 佢都認唔到人, 不過好少探嫲嫲,都應該睇吓佢既, 幸好佢0係老人院有人照顧都放心啦 !


返番出來d鼻敏感又發作, 可能開始轉季, 不過我噴番d藥就無事嘞 ! 跟住睇吓出咗canon 果部400n相機未, 因為電視出咗廣告, 應該有得賣啦, 但係去百x匯, 超多自由痕, 算啦, 等埋哥哥先睇嘞! 返到屋企, 哥哥又話個電視機壞, 佢話而家買過部二十幾吋LCD"芒"都係二千幾,三千蚊啫, 吓! 唔係又要我出錢買ma, 你估我識生錢出離, 佢話唔買壞咗就冇得睇, 我緊係叫佢夾埋一份啦, 唉! 呢期又要慳d 嘞, 十月果份bonus未出都無哂...............


又玩埋堆 !

前日來咗個新女supervisor, 今日又來多一個新女同事, lunch見"王后"同佢食飯, 叫埋我同另一個同事一齊, 之後join埋"賤man" 同埋我隔離果位肥佬. 近排"王后"失寵咗好多, 難得"賤man"叫佢食, 緊係唔會say no啦!後來肥佬同我講番呢個新女同事好似係"3"仔台做過CS, 因為佢以前見過佢, 啊!  原來又係自己人, "賤man" 果然係"賤man", 而家d新人大多數係"馬"記呀, "C"記電話台呀, "3"仔台呀, 佢想攪埋堆無問題, 千祈唔好好似以前果位舊同事"S小姐"痴痴纏纏, 脫唔到身就抵佢, 不過成日打離hotline煩住我地, 我地就變咗無辜既犠牲品嘞!


最近無買食玩, 因為想睇吓有特別d, 啱啱睇到呢款10月出既兔兔系列又幾cute喎, 有既就買1,2款玩吓啦, 因為買得太多無位放tim ! :P


         main.jpg


冇得食 ! ..>_<..

今朝晨早6點幾,比媽咪吵醒咗話夠鐘返工, 啱啱瞓咗幾粒鐘,真係唔好反啦, 星期日返工呀? 仲話都醒咗,叫我起身飲茶, 真比佢激死 ! 我冇理佢繼續再瞓返, 一瞓成2點幾先起身, 媽咪買咗tea比我食,之後佢同daddy去街, 無晚飯食,唯有自己落街買啦, 順便去零x物語睇吓有冇熊仔朱古力糖, 噚日同事cherry比咗粒我食, 咬落去中間果層軟身脆皮, 真係好好味, 唸住行開cwb去買,點知無貨, 今日去屋企附近果間睇又無喎,吓 ! 唔係咁搶手ma, 冇都冇辦法啦, 行咗去吉豬島買嘢食, 睇見盒公仔幾cute, 買咗佢啦 !


                    DSCN1274.jpg


 


散財 !

今朝返工有個男同事收到個恐怖電話, 就係之前resign咗既一位女同事- S小姐又打離, 佢話今日有本"三xx"雜誌登咗佢張相, 叫我地買離睇,實質咪叫我地同"賤man"講囉, 前2日先搵過佢,今日又打離! 自從"賤man"讚佢靚女後,就不斷咁纏擾佢, 我地成班同事咪話佢囉,叫"賤man"以後唔好係唔係都讚人靚女至得架, 叫佢快d攪掂S小姐, 唔係比hilda姐發現就大鑊嘞 !


放工緊係去行吓街街啦, 去咗cwb, 順便幫哥哥睇吓出咗相機未, 因為佢想買CANON新出果部D400單鏡相機, 不過還未出, 原先佢話自己出錢買, 點知佢見我咁落力幫佢搵料, 叫我出埋一份錢, 嘩! 要成7千幾蚊, 咁貴點買呀! 佢就話買鏡頭, 唉, 呢次真係"law lee jean"嘞! 之後唸住買衫但係搵唔啱, 不過無厘頭買咗條呔攞離襯衫,另外去咗apple商場間銀器鋪買咗隻貓眼石耳環, 果間鋪個男人好攪笑, 我個fd想搵其他耳環,佢好落力咁搵, 雖然佢賣貴咗少少,不過見佢咁nice就幫襯佢啦!另外買咗d精品同埋個coins bag,係我鍾意既貓貓公仔呀!


~~就係呢個貓貓coins bag, 同埋sugarbunnies精品~~


   DSCN1273.jpg


 


終於裝咗MSN嘞 !

今晚終於攪掂咗個MSN, 其實原先已經瞓咗, 點知我個best fd打離叫我起身即刻去裝, 因為見到"佢"online, 我明我best fd 既意思喇 ! 裝裝吓有d 唔明, 我打比我best fd問啦, 佢好識做咁叫"佢"打電話比我教點做, 我地都傾咗好耐, 咁我見成12點幾, "佢"又要早返工, 就收線嘞 !大家都傾番d近況, 好似以前一樣好舒服既感覺!  同埋裝好MSN後, 除咗同d朋友傾計之餘, 亦都希望同"佢"溝通多d, 感覺更加拉得近d 啦 !