Login

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。


有新衫 !

之前iris送比我既生日禮物攞咗返屋企,有1條頸鍊, 同埋2套33,原來係比我屋企果2件化骨龍- benny仔,coco, iris照顧埋benny仔同coco真係太好喇, 妳叫我加番d 衫鈕, 我會整架嘞, 其實妳整得好好, 我收到好開心呀, 我隔離果d同事見到d33仔都覺得令呀, 多謝哂iris!


~~coco: 好嘢有套令令睡衣, 好fit身呀, 多謝iris ee !~~


~~benny仔 : 呢套迷彩好正呀, 簡直型爆呀!~~


DSCN1270.jpg


~~呢條係頸鍊嘞 !~~


DSCN1267.jpg


~~原來背後有個銀幣造襯衫, 好正呀 !~~


DSCN1262.jpg


スポンサーサイト

溝通 !

今日不用返工,本應唸住瞓晏d,點知11點幾,比我個best fd打電話嘈醒我, 原本唸住話佢,不過唸真d我同佢識咗差不多10年, 自從轉咗CS dept(大約3年),好少同佢出街,傾電話, 佢話同我話題少咗, 於是佢好認真咁命令我要0係生日前裝番個MSN夜晚同佢傾計, 其實唸真d我都覺得有d內疚, 好耐之前話裝都無做到, 係時候要裝番gae, 起碼大家都可以知道大家近況ma, 好啦, 就決定裝番啦, 不過唔知難唔難裝呢?


今日超開心呀 !..^0^..

原來之前我患上咗ISO前抑鬱症, 攪到無0離精神, 不過今日有2 件事令我好開心, 第一就係今日終於做完ISO internal audit lu ! 今日阿姐心情勁靚, 好在我比auditor audit 時無出事啫,其他同事都安全渡過, 阿姐係audit 時又無全程昅住我地喎, 咁我地都好輕鬆咁過關, 今次真係鬆哂嘞 !


第二件事係放工後收到我dept 嘅三個friend - tracy, florence,同埋緊係卡莉小姐啦, 佢地預早送比我嘅生日禮物, 當中有份係我之前話想要嘅銀包, 另外原來唔止一份禮物, 卡莉小姐另外送咗一袋禮物比我,裏面有我鍾意嘅公仔同埋一條手鍊, 真係錫哂妳地喇 ! haha,今年生日收到好多禮物, 攪到今晚瞓唔著tim, 不過聼日唔洗返工就冇所謂啦, 又租咗2隻碟睇, 聼日可以休息吓, 星期日同星期一d freind同我慶祝生日, 真係太感動嘞  !


 coco話等佢點收吓今日媽咪收到嘅禮物啦 !


~~我之前想要嘅銀包啦.....~~


DSCN1236.jpg


~~另外卡莉小姐送嘅手鍊,我試戴過, 襯哂我呀 !睇吓coco攬住唔放手就知啦 !~~



DSCN1229.jpg


~~仲有係大口仔毛公仔(著條泳褲好cute呀)同埋生日bear bear 呢 !~~


...READ MORE

又考 ISO !

聼日我地dept 開始ISO internal audit, 係考d 關於環保嘅知識, 其實都唔係第一年考,年年都要, 所以每年到咗8 ,9月就好慘, 好似考會考咁,不停催逼我地溫書, 唸起都驚, 不過唔係驚唔識答, 係驚唔識答後, 要承受阿姐面嘅壓力, 因為佢好要面子, 但係唔知點解我無心情再溫, 要溫嘅都溫咗,所以已經好悶, 唯有豁出去,都唔唸到時先算喇 ! ..)>_<(..


早排同事tracy去完台灣, 買咗個大口仔平安符比我, 唔........就放係銀包入面啦, 因為最近身體唔係咁好,病咗大半個月,前2日無再食藥, 食得太多攪到個人呆哂,無精神, 好似卡莉小姐咁話, 希望戴咗呢d 平安符一切順順利利, 求過安心啦 !..^_^..


FSCN1227.jpg


Model !

早排二哥買了個微距鏡, 同埋個標準鏡,好似影到王家衛feel咁款, 今日就攞咗benny仔同coco 0離做model比佢試吓鏡啦 !


~~用咗微距鏡影出來,benny仔面部輪廓好清晰呢 !~~


tom_2121.jpg


~~這幾幅用了標準鏡, 真係好有電影feel 喎 !~~


tom_2148.jpg


~~戲中coco含羞搭搭咁等緊benny仔~~


tom_2150.jpg


~~不過benny仔似乎有些故慮, 究竟佢唸緊什麼呢?~~


 tom_2154.jpg


大家有興趣影相相都可以買番呢類鏡玩吓都唔錯架 !


Farewell !

噚日約咗由細玩到大嘅契細佬食飯, 因為佢下個week要返canada讀書, 所以噚日同佢Farewell, 咁啱卡莉小姐約咗小南, 莉莉人, annie同埋糖糖聚會, 好可惜今次0離唔到, 不過下次可以等埋carmen嘅"Lami"一齊meeting, 咁就齊哂所有yellowline喇 !


放工後大哥大嫂約我去咗佢地屋企,原來大嫂買咗份生日禮物比我, 好開心呀 ! 我仲帶埋coco同benny仔出去影相相, 咁啱哥哥屋企有個日本式嘅燈飾可以攞0離做佈景, 襯哂coco喇 !


~~大哥大嫂送比我嘅禮物, 係套蘆薈沐浴套裝系列嘞 !~~


FSCN1220.jpg  DSCN1218.jpg


~~呢個日式屏風燈飾至啱同著和服嘅coco影相相喇 !~~


DSCN1204.jpg


~~CoCo同benny仔2兄妹合照~~


...READ MORE

小聚 !

幾日都冇寫日記,皆因仍然食藥中, 跟住睡魔急call嘞 ! zzzzzz......而家update番上星期四小聚啦!


當日係美麗華中心一間日本料理聚會, 總共7人,有我,卡莉小姐,小南,莉莉人,小椒,糖糖同阿ming,好開心又識多幾位新朋友,日後既聚會就更加熱鬧啦 ! 呢間日本料理d 間格好似一間間睡床咁,燈光好暗, 所以我地最後食完飯後,走出鋪頭既一個光既位置影相相, d相相影得麻麻地, 不過叫做睇倒啦 ! 


~~咁啱呢間日本料理出面有個日本feel既佈景,啱哂著和服既coco啦 !~~


FSCN1194.jpg FSCN1199.jpg


~~右邊這張相CoCo帶了莉莉人新訂果個wig, 有點怪相, 睇吓佢後面3個(莉莉人既lea,小狼,benny仔)嚇到暈咗嘞 !~~


...READ MORE

yellowline新wig !

今日同卡莉小姐講起幫benny仔訂番對新鞋仔,上去lati wetsite睇吓有新product, 原來有d wig新出, 不過之前訂過2個,加埋原先benny仔同coco總共4個當中, 就發現如果髮型有分界既就唸清楚先買, 因為有d條界整得好高,好似好怪相, 如果真係訂wig,就最好買d無分界就好d嘞 !


2006-08-11-18-12-39.jpg            2006-08-11-14-20-13.jpg
2006-08-11-12-33-21.jpg            2006-08-11-12-40-06.jpg
2006-08-11-12-24-53.jpg            2006-08-08-12-35-38.jpg



2006-08-11-12-56-05.jpg             2006-08-10-12-12-28.jpg                


 (此為lati官方相片)


病死我嘞 !

好日唔病,一病就成二個星期都未好番, 之前d 咳都好番咁滯, 可能前日出街熱, 入去d 商場冷氣勁凍, 咁就出事,今朝起身勁流鼻水, 想晨早睇醫生又驚比hilda姐話, 因為早個星期先請咗病假,不過下晝真係頂唔順, 問wai小姐比我放早d睇醫生, 我睇番個家庭醫生,一睇就話大傷風, 而家食咗藥舒服好多, 但係開始眼瞓, 今晚要早d 瞓嘞,究竟幾時先好番呀?...........


                       1.jpg


又敗家lu !

好耐無出MK, 噚日同隔離dept 個fd Lester出咗去, 天氣太熱成5點幾先出門口, 返到屋企都成12點幾, 原本唸住join埋其他fd飲嘢,不過行到好攰都係返歸lu !


今日都算有d收穫, 去咗潮流特區間銀器鋪買咗條手鍊, 呢間銀器鋪專賣d無咁"令"面嘅鍊, 我就鍾意呢類型嘅款式嘞! 跟住食完飯再去兆萬睇吓有冇啱阿B d褲仔賣, 幾辛苦先搵到條板仔褲, 初時驚benny仔個pat pat太大, 著唔落,好在都無問題,都唔錯呀 ! 行去B2果間,原來搬落了一層,睇中d tee,不過無買, 因為唸住之前卡莉小姐比咗d布我就試吓整啦 ! 另外買咗d精品, 再過埋瓊華中心買咗件衫,行到成11點幾,d鋪close哂咁滯, 咁就敗家咗1日嘞 !


~~新買比benny仔條褲仔,佢仲撻咗妹妹coco對拖鞋襯條褲仔, 咁樣去街街好型呢 ! ~~


DSCN1168.jpg


~~同埋新買嘅手鍊, 條手鍊平時粗戴,簡單d就最啱喇 !~~


...READ MORE

意外驚喜 !..^0^..

今日放工陪媽咪出街食飯, 去咗吉豬島, 跟住行過床上用品部,做緊promotion, 媽咪話想買番張被單比我, 咁啱見到有set貓貓系列套裝鋪咗係張床做陳列品,有枕袋,床單連被單, 好鬼死靚, 媽咪見我望咗好耐,就買咗比我,但係好貴,成600蚊,不過原價成千幾蚊,咁算抵啦 ! 佢話我就0離一年一度大日子,就送比我嘞.嘩! 真係多謝哂媽咪喇 !後來我唸起原來之前同卡莉小姐0係UNY見過呢款,仲有另外一款貓貓系列, 唔怪得知咁熟口熟面啦 !..*0*..


~~就係呢set貓貓套裝系列嘞 !~~


FSCN1151.jpg


~~枕袋,被單~~


FSCN1157.jpg  FSCN1158.jpg 


之後媽咪返屋企先,我幫哥哥買咗fiona隻新CD,佢就係為咗睇果2隻MV先買, 真比佢激死!..>_<..不過d歌幾好聼啦 ! 行過模型店,有新款扭蛋, 又扭咗幾個, 咁就返歸嘞 !


...READ MORE

好味呀 !

噚日lunch去咗公司附近玩具店睇中咗套新食玩, 之後卡莉小姐去抽咗3盒,其中有盒比咗我,雖然唔係我0地想要果款,不過都幾令架 !


~~coco: 媽咪話慶祝我生日,買咗好多蛋糕比我食呀 !(睇吓benny仔幾唔開心).."_"..~~



FSCN1141.jpg


~~benny仔,媽咪預埋妳喇 !~~


FSCN1140.jpg


...READ MORE

女王的教室 !

最近三色台逢星期日播出套日劇"女王的教室", 我地d同事大家都議論紛紛, 咪就係唸起我地嘅hilda姐囉 ! 套劇入面真矢老師嘅嚴教法, 加上無理嘅責罰,令到成班小朋友心驚驚, 我地都覺得好似劇入面d小朋友一樣, 受到同一對待囉, 不過佢嘅做法係想令我地dept 好gae,但係有時佢心情都好飄忽,真係好驚架 !


呢2日hilda姐training,不在公司,心情真係好relax, 令我冇壓力, 有時壓力會另一個人時常感到疲倦, 消極, 所以盡量令自己開心, 間中買吓嘢喇 !今日放工同埋卡莉小姐行咗一陣,買咗對"masyumaro"筆, 之後落埋cwb, 卡莉小姐想去"賊船"買書,不過冇得賣, 咁就搭van走嘞,因為卡莉小姐有d唔舒服, 食咗藥好眼瞓, 唔知係咪之前我傳染咗比佢呢, 如果係就講聲唔好意思嘞, 同埋今日係七月十四, 媽咪叫早d返歸好d lu !.."*_*"..


另外今日卡莉小姐同我講話lati 會係8月21號出新款bjd yellowline, 嘩! 終於等到佢出新嘢嘞,我希望出多個男仔系列, 如果係的話, 有$$都想買多個呀 ! ..@_@..


~~就係呢對筆筆喇 !~~


DSCN1136.jpg


(續)Twins CoCo Meeting !

由於噚日實在太好天氣, 我地都影得好舒服, 今日再post多少少相相啦, 因為都有30幾張,其他嘅歡迎到我嘅flickr 相簿入面觀賞啦 !


http://www.flickr.com/photos/beckie-hy 


~~媽咪話我離咗香港無幾耐,緊係帶我出去玩啦 !~~


20060806183413.jpg



~~約埋卡莉契媽嘅囡囡一齊影相相, 睇吓我地兩個幾襯 !~~


20060806182359.jpg


...READ MORE

Twins CoCo meeting !

原先今日入元朗BBQ,仲帶埋coco影相相, 但係我d感冒未好番,就冇去嘞! 放工後唸起去卡莉小姐屋企攞d嘢, 就叫佢去附近公園影吓相相啦, 今日post 住一d先, 因為食咗d藥好眼瞓, 聼日再post 埋其他啦 !


~~打完風後,真係冇咁熱, 加上天朗氣晴, 又唔曬, 實在太好lu !~~



20060806015458.jpg 


~~其實我覺得佢地有d唔同架, 可能個wig影響啦,同埋卡莉小姐嘅coco兩邊面珠紅d囉!(右手邊果個coco就係卡莉小姐喇 !)~~


20060806015526.jpg


...READ MORE

Yukata Co Co到咗啦!

今日lunch打比媽咪問佢有冇郵差送嘢上來屋企, 佢已經話上午10點幾到咗嘞,今晚放工即刻返家睇吓新囡囡,原先卡莉小姐話今晚約咗小南,糖糖,仲有個fd去meeting, 不過因為我頸痛,所以冇出去影相相,唯有係屋企影住先啦!


~~打開盒入面個封面紙, 同埋coco嘅背面!~~


DSCN1074.jpg FSCN1077.jpg


~~Co Co 正面!~~


FSCN1079.jpg


...READ MORE

痴痴呆呆!

呢幾日頂唔順咳到死, 最後配咗家庭醫生d藥食, 不過食d藥好眼瞓, 今朝真係唔想起身, 又"瞓矮頸"攪到半邊身轉唔倒,呀.....真攞命啦!係公司食咗藥後好似老人痴呆咁呆呆滯滯, 前兩日返到屋企食完飯就瞓覺zzzzzzz ! 星期六仲有D fd攪BBQ, 睇怕我都唔去得啦, 萬一失聲就大穫喇, 做我地CS呢行要靠把聲開飯嗎, 不過唔去得咪去shopping囉, haha!


今日發現咗disney出咗新嘢,成set我都鍾意, 特別係白色果隻史迪仔, 聼日去睇吓先!


aug06.jpg


(相片由yujin提供)


另外之前等到頸都長嘅"coco", 今日再check "Lati" , 佢終於都ship 嘞, 頂計呢一兩日會到, 好期待呀!