Login

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。


作病!

今朝起身就有d骨痛同咳, 可能噚日落雨淋親, 下晝唸住睇醫生又close哂, 算啦無得睇,唯有靠自己意志力去克服,同埋飲多d水, 如果聼朝無好轉就先去睇醫生啦! 不過最大問題係......我要直接report比我阿姐, 我呢個dept 係辦公時間睇醫生同請病假都係死罪, 我真係好怕同阿姐講去睇醫生, 佢d語氣通常都好緊張, 唔係擔心妳病成點, 係擔心妳返唔返咋! 但係有病又點可以唔睇呢 ?


今日見無得睇醫生, 咪去附近食嘢醫肚, 順路又去睇精品, 買咗set小熊維妮動物版, 同埋一set disney 最近出的匙扣系列, 原來好多人買呢set ,我個fd 就要米奇,我就要埋其餘四隻, 不過一set買比散買差不多每隻平成二十幾蚊架, 抵呀 !


DSCN1047.jpg DSCN1054.jpg


~~下面果set小熊維妮造型太攪笑喇, 忍唔住買埋佢!~~


...READ MORE
スポンサーサイト

Disney系列商品

呢期迷上咗d玩具擺設後, 我就搵咗個website叫 "yujin", click上去睇, 搵倒近期出嘅new product, 仲有d係早期出, 我就想搵番其中一套,不過已經係03年5月喇, 或者今日出mk睇吓有冇先!


 ~~最近買呢幾set, 買埋個盒裝好, 右邊果set 公仔d頭仔可以搖呀!~~


FSCN1007.jpg FSCN1008.jpg


~~呢set 03年5月, 唔知仲有冇得買呢?~~


2003-may.jpg 


~~其他我比較喜愛嘅系列! (相片由"yujin"提供)~~


...READ MORE

沒有阿姐的日子!

今日hilda姐同聼日都放假, 大家緊係開心啦, 因為我地係hilda姐嘅壓力下成長, 佢不在,其實大家當然好似平時一樣咁做野, 不過就relax好多啦!下午又叫tea, 放工雖然要開會, 不過就係因為hilda姐不在, 我地可以嘻嘻哈哈咗個幾鐘又開完嘞, 咪就係賤man成日攪氣氛囉, 真係好耐都未試過開會開得咁開心架! 唔...仲有聼日, 希望好似今日咁就好lu !


開完會太約7點3, 見卡莉小姐仲未走, 咁就等埋佢一齊放工, 佢話想買套玩具擺設, 我地就返去quarry bay間模型店度買, 呢期我地都顛咗成日買呢d野, 好在聼日出糧啫, 唔係無哂$$架嘞 !


前排無聊地係公司執吓d野,就搵番好多珍藏品, 有d都無出嘞, 所以我會好好收藏架 !


~~呢批大口仔file同埋sugarbunnies 嘅嘢原來好多都係卡莉小姐買比我, 其中左手邊魔術師file好似現在無出lu, 另外右手邊個sugarbunnies file有大,中,小三個size,好鍾意呀 !~~


 DSCN0958.jpg FSCN0983.jpg


~~呢批就係sugarbunnies嘅筆記簿, 筆呀, 擦膠筆, 個筆筒唔係sugarbunnies出架,不過係我"痴"d貼紙上去, 咁就無咁單調囉!


DSCN0959.jpg  DSCN0962.jpg
 
~~下面呢個就係我一千零一個嘅大口毛公仔,佢係公司陪咗我好耐架嘞!~~


...READ MORE

得個"等"字!

唉, 之前訂咗"summer special coco, 明明佢個order confirm 7月24號ship出來, 點解未ship架?又係佢定嘅日期, 我知有人問緊"Lati", 佢太唔講信用喇!..(">0<")..都唔知等到幾時! 悶悶地,今日放工同卡莉小姐行咗一陣睇玩具,冇收獲, 返到屋企陪咗哥哥去附近買嘢, 就行過間模型店, 唔記得佢叫名,不過我都鍾意貓貓,就買咗佢嘞 !


FSCN0998.jpg


實在令我著迷!

最近突然間愛上儲玩具擺設, 原本今日放工想等埋卡莉小姐一齊睇吓有新款,不過佢太多嘢做, 咁我唯有等埋隔離dept個fd lester去睇啦! 去咗公司附近間模型店買咗set新款系列, 另外買多咗個新盒裝埋前日買果set"小態維妮", 放係盒入面擺出來就方便好多喇! 我唸又要再執個d位擺呢d玩意嘞!


~~呢d盒仔有好多款size, 咁啱呢款合哂我心水啦!~~


DSCN0986.jpg


~~前面呢set係今日買嘅, 有米奇美妮, 中間隻好似係狐狸,不過唔記得咗個名, 同埋史迪仔, 另外係豬仔同埋木偶, 同埋最鍾意佢d 木櫈仔tim呀!~~


DSCN0992.jpg


搵倒啦!

今日放工去咗買生日禮物比個fd, 因為今晚要送比佢, 臨時臨急真係唔知買好, 就係公司附近睇睇啦! haha, 點知反而比我搵倒上年去日本時想買嘅一set 玩具擺設, 另外睇中咗套食玩決定買比個fd嘞!見仲有時間, 去咗另一度地方睇精品(出咗OT 有錢$$$身痕tim), 竟然又比我搵倒另一樣嘢喎, 跟住買咗對狗狗公仔,同埋一隻bear, 今日滿載而歸,太好喇..........!


~~今天嘅戰利品~~



FSCN0976.jpg


~~今日卡莉小姐淨係話買倒時chop印, 咁麥嘜同麥兜我可以比妳啦,因為我最鍾意貓貓阿dai,不過鋪頭個男仔話要全set買,咁就買哂佢喇!~~


FSCN0978.jpg


~~另外呢set"小熊維妮"擺設我第一眼已經鍾意, 即刻買咗佢, 我又買埋個盒裝好佢地,擺出來好令呀!..^_^..~~


...READ MORE

冇得救!

今日放工返家途中時, 媽咪叫我去吉豬島幫佢買嘢, 路過間模型店, 唸住睇睇啫, 點知入到去見到出咗好多新product, 仲有d食玩, 嘩, 真係太大引誘喇, 好想買, 不過睇見銀包乾塘咁滯,唯有忍吓啦! 後來行行吓見到常去果間精品店, 唸住幫卡莉小姐睇佢想要嘅嘢, 但係老闆話冇, 於是變咗我自己睇, 最後都忍唔住買咗d嘢嘞! 成日都叫自己收手,但係都控制唔倒, 真失敗呀!不過買咗嘢的確係開心架!..^0^..


~~今日買咗嘅係....我鍾意嘅大口仔chop印, 仲有係hello kitty chop印,同埋下面果set"cherry chums"買比卡莉小姐, 知唔知係嘢嚟呢?~~


FSCN0955.jpg



瘋狂購物嘅後果.........

今日放工返到屋企, 見到信箱d信件, 又係bank嘅statement, 唉,慘嘞,今次真係無嘞, 無嘞..........., 之前人壽保險d annual fee, 跟住稅局d稅單, bank 寄來就係之前訂嘅coco, 仲未計其他戰利品......, 可能出咗bonus啦, 就因為咁,反而洗多咗, 睇嚟呢個月要係屋企閉關到月尾出糧至得嘞!


今晚執開嘢, 又執埋之前買開嘅食玩, 仲有加埋卡莉小姐送比我果d, 原來都唔少喎, 等我遲些一次過擺好後, post 相相比大家睇吓d得意食玩啦!


失手!

今日放工約咗fd 去cwb唱K, 未夠鐘時就等埋lester一齊走, 由灣仔行落cwb時,途經C C WU BLDG, 我又想話睇精品, 點知行過間時裝店時, lester睇中對返工鞋, 跟住佢就買咗, 咁我見佢有戰利品咁開心,  忍唔住又想昅吓有想買, 最後同佢一樣買咗對返工鞋, 因為做緊discount, 之前都唸住出糧先買, 不過睇中咗唔買個心就會囉囉戀架嘞 !睇怕呢個月唔可以再買嘢, 要忍手呀.................


上堂!

今日下晝又要上"Fire Safety Training Course", 不過最開心係公司會安排某區嘅消防隊員來講解, 雖然年年都講埋同一樣消防知識, 不過由消防隊長講解就唔同啦, 佢地好型仔架, 仲認得係上年果個tim! 我當然好留心聼佢講嘢, 但係聼聼吓就好鬼眼瞓, 其中有個消防隊員見倒我釣哂魚係度偷笑,緊係即刻紮醒啦, 真失禮嘞!


放工後唔洗上field coaching, 早d返歸執吓d位, 因為下星期"CoCo"ship 到香港, 果2大箱盒咁大盒,真係要唸吓放係邊樹嘞 !


無買嘢!

今日同咗daddy媽咪一齊約了佢地嘅朋友食lunch,  因為剛剛係canada返來渡假, 之後去咗行大古城, 行過sylvanianfamilies, 見倒d公仔屋真係好令, 可惜屋企無位擺, 淨係d公仔已經擺哂d位lu, 望吓就算數嘞!


頭先見到卡莉小姐影咗d sugarbunnies嘅毛毛公仔, 就醒起我仲有隻, 終於搵番lu!


~~我最鍾意呢隻豆皮嘅bunnies嘞, 好cute呀!..^0^..另外果2隻係我之前買嘅sylvanianfamilies和服版兔兔同貓貓系列,  好襯和服版系列嘅CoCo呀!~~


FSCN0935.jpg


我的珍藏 2!

之前嘅公仔都係一部份, 因為實在太多嘞, 有些就放了係我間房入面, 其中包括埋sugarbunnies同埋大口仔, 不過大口仔多數都係精品, 只係得一千零一個毛公仔, 放咗係公司度, 所以影唔倒相相比大家睇嘞!


~~左邊果隻lion公仔係咁多公仔入面算係最大隻架!右邊果set sugarbunnies之前係某間精品店平過sanrio就買咗喇!~~


FSCN0916.jpg


~~莉莉人話想睇吓我隻叮噹真面目, 咁我影個近鏡比妳睇吓啦!~~


...READ MORE

我的珍藏!

最近有d時間執吓自己d雜物, 其中包括我嘅珍藏品,當然唔係我d寫真啦,係講緊由細儲到大嘅公仔囉!


呢d公仔大部份都係我嘅公公同婆婆買比我, 當中有d係我2個哥哥gae! 不過細過果陣時,我2個哥哥成日都迫我玩"超人打怪獸"故事, 其實我想攞d公仔玩煮飯仔架!無辦法啦, 佢地係男仔一定唔玩lu !以前搬屋,daddy叫我掉哂佢我都冇掉到, 因為全部都係我嘅回憶, 同埋我都好念舊架!直到而家就算有咗benny仔,我都一樣咁鍾意呢d公仔呀!


~~呢個組合櫃嘅一邊都擺滿哂我心愛嘅公仔囉!~~


FSCN0907.jpg


 


...READ MORE

今天好輕鬆!

今日返到公司發現所有supervisor都不在, 除咗賤man, 連卡莉小姐都遲咗返離, hilda姐都唔見咗, 原來佢同wai小姐去咗training full day, 之前又無講, 神神秘秘咁, 咁仲好, 所以今日好happy, 下晝又叫tea, 不過都係叫嘢飲啫, 好輕鬆又過咗一天lu!


放工後, 去咗攞新買嘅袋袋, 因為噚日買時無新貨, 所以今日去攞返喇!另外今天卡莉小姐送咗d嘢比我, 好令呀!


~~就係benny仔手上果隻介指囉, 我最鍾意呢d銀器嘅飾物, 我唸果隻應該係青蜒呱!仲可以好似皮帶咁有得調較鬆架, 多謝哂!~~


DSCN0899.jpg


~~同埋噚日買嘅新袋喇!~~


...READ MORE

日本料理!

今朝起身又係落雨, 帶唔倒benny仔出街影相相, 不過中午帶咗benny仔去屋企留下間日本料理食lunch, 呢間日本料理開咗都有十年,最近重新裝修過, 同埋d廚房師傅大部份都係日本人, 所以對佢d食物都好有信心, 保留番d日本風味囉!


~~擺返個靚pose先!~~


FSCN0891.jpg


~~最靚係後面果個熱帶魚缸喇!~~


FSCN0889.jpg


~~嘩!媽咪最鍾意食嘅sushi !仲有隻碟上面隻貓貓公仔好cute呀!~~


...READ MORE

放假要relax!

世界盃完哂, 今日返工好似好失落同空虛, 好在聼日放假, 仲租定2隻碟, 一隻"至尊無", 雖然無聊, 但係我就係貪佢夠無聊,另一隻韓劇愛情片, 我最鍾意睇呢2類型嘅戲喇 !聼日唸住帶benny仔出街影相相, 之前唸住問卡莉小姐去唔去, 不過佢最近受頸痛嘅影響, 都係等佢休息吓好d 嘞! 加上最近d天氣一時好天, 轉頭就落大雨, 所以都係睇情況先!我就叫定媽咪買咗一盒雪條, 一邊睇碟, 一邊食雪條, 真係正呀!............


Benny仔出浴呀!

呢排天氣真係熱死人, 我有時一日都沖2次涼, benny仔都好鍾意沖涼架, 今日就同佢影咗輯出浴照喇!


最近benny仔試戴呢個wig都唔錯, 難得星期二放假,如果天氣好的話,或者帶佢出街影相相啦!


~~睇吓benny仔熱到脫埋褲仔露出"pat pat" tim, 醜死人嘞!~~


DSCN0871.jpg


...READ MORE

捱多2晚!

今日瞓到差不多4點先起身, 可能噚日夜返啦, 加上捱咗2晚通頂睇四強, 要瞓返夠本至得!


今晚季軍戰-國對葡萄牙, 無線又無得直播, 所以夜d約咗 fd 出去睇. 呢場波我就會支持國, 因為葡萄牙唔係咁熟, 同埋呢期睇中國嘅普多斯基同埋西班牙嘅費蘭度托利斯, 可惜西班牙入唔倒四強啦, 至於聼日冠軍戰, 邊隊勝出都無所謂, 總知果場比賽好睇就得嘞! 過埋d 2晚真係要瞓番多d至得, 唔係的話果樣好快殘架!


今晚原來做港男比賽, 今年個個都好鬼死大隻, 仲有d嚇人tim, 不過好睇過港姐啦!


Benny's new wig !

今日放工即刻去埋卡莉小姐屋企攞番個新wig, 比lea同lumi戴都唔錯, 我緊係即刻攞返屋企比benny仔啦, 呢個就係" summer special -benny嘅wig嘞, 好鍾意呀!


~~benny仔變得好成熟呀!~~


DSCN0860.jpg




~~下面呢個就係special 嘅benny仔嘞!~~


2006-06-24-16-21-24.jpg


(此為Lati 官方相片)


好期待個 new wig!

今朝突然間醒起之前訂咗個wig應該呢一兩日到, 再問卡莉小姐, 佢話聼日會ship 到香港, 好嘢, 好期待我嘅新wig呀!


就此收筆嘞, 因為今晚起身睇波, 今日放工即刻返屋企食完飯就瞓覺, 頭先起身整d嘢而家再瞓過啦!.........


BBQ後遺症!

前日BBQ之後, 返到屋企以為無比蚊咬咁好死, 因為我噴哂蚊怕水, 點知沖涼照鏡時發現原來咬哂係面同頸上, 好在冇變豬頭咋!我緊係即刻搽止痕膏啦, 今朝返工都冇痕lu! 不過我地阿姐就慘嘞, 佢今晚7點鐘就走咗, 問同事阿mo阿姐係咪去拍拖, 咪無理由咁早走gae, 佢話緊係唔係啦, 佢去睇醫生呀, 原來佢當日比蚊咬到隻手臂一大撻, 又痕又腫, 哎呀, 都唔知會唔會係登隔熱tim呀..*0*.., 不過都希望佢無事啦, 如果唔係嘅話, 我地就受罪啦!


另外當日影咗少少benny仔嘅單人相相, post比大家睇埋啦!


~~個背景d顏色同d窗都襯得幾令架!~~


DSCN0822.jpg


~~benny仔襯媽媽應酬阿姐時, 乘機躲埋係樹到, 佢話驚見到阿姐喎, 真八厭嘞!~~


DSCN0827.jpg


阿姐攪西貢BBQ!

7月1日, 我地dept 阿姐誠意邀請我地去BBQ, 難得佢誠意權權, 我地又點敢唔比面佢呢! 果日約咗12點係彩虹mtr 恆生等, 其實我之前果晚出咗去睇波都冇點瞓, 返到屋企都成朝早10點幾, 咪"炸炸臨"沖涼, 卡莉小姐就約我11點3係quarry bay mtr等, 因為遲到要阿姐等就大鑊架嘞!果朝真係好鬼死眼瞓, 不過冇辦法啦, 唔去嘅後果係好嚴重嘞!不過果朝大部份人都遲到, 好彩佢心情好, 冇事發生啫!..."T_T"..


我地預先租咗van, 一行10幾人係彩虹入西貢(其實果度係類似d警察嘅俱樂部), 大約半粒鐘就到, 好彩入面有2間冷氣房, 我當然入去唱k果間啦, 不過係咁yi都要出出去燒嘢食, 我都叫做燒咗六粒魚蛋加條腸, 其他都有人燒咗攞入房食, 因為實在熱死人啦!..>_<..


當日大家都好開心, 我對當日阿姐嘅表現都好滿意, 如果係公司都好似果日咁樣就好lu........


另外當日緊係帶埋benny仔去玩啦,卡莉小姐都有帶lea同lumi, 自從lea上次meeting後懷疑佢有外遇之後, 就成日疑神疑鬼, benny仔就襯今次BBQ錫番佢啦!


~~睇吓benny仔幾有誠意, 不過lea都係面燶燶咁gae!~~


DSCN0811.jpg 


...READ MORE